2025 jyly elektr energııasy saýdasy 30% deıin artady – Serik Jumanǵarın
«Elektr energııasy naryǵyndaǵy básekelestik mańyzdy sanalady. Búgingi tańda uıymdastyrylǵan saýda-sattyqta elektr energııasynyń tek 1 paıyzy satylady. Qalǵanynyń bári ashyq emes tikeleı kelisimsharttar boıynsha ótkizilip jatyr. Osyǵan baılanysty 2025 jylǵa deıin uıymdastyrylǵan elektr energııasy saýdasy kem degende 30 paıyzǵa deıin artady. Sonymen qatar, biz elektr energııasymen jabdyqtaý naryǵyndaǵy saralaýdy joıýdy josparlap otyrmyz. Munyń bári jyl saıyn 20 mıllıard bıýdjet qarajatyn únemdeýge múmkindik beredi, 31 mıllıard shaǵyn jáne orta bıznes úshin shyǵyn bóligi únemdelip, bizdiń esebimiz boıynsha turǵyn úıge kómek retinde 720 mıllıonǵa artady», - dedi S. Jumanǵarın Úkimettiń búgingi otyrysynda.
Spıker básekelestikti damytýdyń taǵy bir baǵyty – bırjalyq saýdany damytý ekenin atap ótti.
«Bırjalyq saýda durys jolǵa qoıyldy. Búgingi tańda benzın, bıtým, kómir, suıytylǵan gaz saýda-sattyǵy iske qosyldy. Jaqynda avıakerosın, dızel otyny, bıdaı qosylady. Alǵash ret kómirmen bırjalyq saýda-sattyq ótkizildi, onda karerlerdiń ózderi jetkizý bazısi bolady. Qarajyra men Shubarkóldiń alǵashqy saýda-sattyǵy tutynýshy úshin únemdiligi 20 paıyzǵa deıin jetetinin kórsetti», - deıdi agenttik tóraǵasy.