2025 jyly bilim granttarynyń sany 75 myńǵa jetedi
«Eger memlekettik tapsyrys jaıynda aıtar bolsaq, Konstıtýtsııada konkýrs arqyly joǵary bilim alý quqyǵy bekitilgen. Tek sońǵy 3 jylda ǵana joǵary bilim alýǵa arnalǵan granttardyń sany 2 esege ulǵaıdy desek bolady. Qazirgi ýaqytta granttardyń sany 56 myńǵa jetip otyr», - dedi mınıstr QR Prezıdenti janyndaǵy Adam quqyqtary jónindegi komıssııa otyrysynda.
Onyń atap ótýinshe, Nur Otan partııasynyń bekitilgen baǵdarlamasynda granttar sanyn taǵy ulǵaıtý kózdelgen.
«Qazirgi ýaqytta Nur Otan partııasynyń bekitilgen baǵdarlamasy bar jáne 2025 jyly granttaryn sanyn taǵy arttyrý kózdelgen. 75 myńǵa jýyq grantqa jetetin bolady. Bul memleket tarapynan kórsetilip otyrǵan úlken qoldaý. Shákirtaqyǵa qatysty aıtar bolsa, sońǵy úsh jylda onyń kólemi de eki esege artty», - dedi Ashat Aımaǵambetov.