2025 jylǵa qaraı Shymkent ózin tolyqtaı qarjylandyra alady

ASTANA. QazAqparat - QR Ulttyq ekonomıka mınıstri Tımýr Súleımenov Shymkent qaı kezeńnen bastap dotatsııalyq óńir ataýynan shyǵatynyn aıtty, dep habarlaıdy QazAqparat.

Búgin Senattyń jalpy otyrysynda depýtattar mınıstrden Shymkent qalasy búginde dotatsııa alyp otyrǵanyn aıta kele, atalǵan shahar qaı ýaqyttan bastap ózin-ózi tolyq qarjylandyra alatynyn surady.

«Shymkent qalasynyń ekonomıkalyq ári qarjylyq turǵyda áleýeti joǵary. Jaqynda qala ózin-ózi qamtamasyz etetin deńgeıge jetedi. Biz shahar ákimdigimen tıisti esepteýlerdi júrgizdik. Ekonomıkalyq damý josparyn eskere otyryp, 2025 jylǵa qaraı Shymkent atalǵan mejege shyǵady», - dedi Tımýr Súleımenov.

Aıta keteıik, búgin Senattyń jalpy otyrysynda  «Qazaqstan Respýblıkasynyń keıbir konstıtýtsııalyq zańdaryna Qazaqstan Respýblıkasynyń  ákimshilik-aýmaqtyq qurylysy máseleleri boıynsha ózgerister engizý týraly» Zańy qabyldandy.

Atalǵan qujatty qabyldaý zańnamalyq aktilerdiń respýblıkalyq mańyzy bar qalalarǵa qatysty normalaryn Shymkent qalasyna da qoldanýǵa múmkindik beredi.

Foto: xpat.kz