2025 jylǵa qaraı otandyq gaz tapshylyǵy bolýy múmkin - Bolat Aqsholaqov
«Gaz qory boıynsha Qazaqstan álemde 22 orynda, al TMD elderi arasynda Reseı men Túrikmenstannan keıin úshinshi orynda. Tabıǵı gazdy keńinen paıdalaný múmkindigin eskere otyryp, álemdik ekonomıkada onyń mańyzy zor. El ishinde gaz tutyný turaqty túrde ósip keledi. 2017 jyldan bastap 2021 jyldy qosa alǵandaǵy kezeńde tutyný 13,8-den 18,6 mlrd tekshe metrge deıin, ıaǵnı 4,8 mlrd tekshe metr deńgeıinde ósti. Gaz tutyný ósimi shamamen 35 paıyzdy nemese jyl saıyn orta eseppen 7 paıyzdy qurady», - dedi B. Aqsholaqov.
Onyń aıtýynsha, gaz salasyn damytýdyń negizgi tejeýish faktory baǵany ustap turý saıasatyna baılanysty.
«Osyǵan baılanysty 2025 jylǵa qaraı otandyq gazdyń tapshylyǵy jáne ımporttyq resýrstarǵa táýeldilik bolýy múmkin», - dedi mınıstr.
Budan buryn habarlanǵandaı, bıyl naýryz aıynda B.Aqsholaqov Qazaqstanda 11 mln adam gazben qamtamasyz etilgennin aıtty.