2025 jylǵa qaraı oqý granttarynyń sany 75 myńǵa jetedi

NUR-SULTAN. QazAqparat – 2025 jylǵa qaraı joǵary bilim granttarynyń sany 75 myńǵa jetedi. Bul týraly QR Bilim jáne ǵylym mınıstri Ashat Aımaǵambetov Úkimet otyrysynda málim etti, dep habarlaıdy QazAqparat tilshisi.

«Elimizde joǵary bilim berý sapasyn arttyrý jumystary birneshe baǵytta júıeli túrde júrip jatyr. Atap aıtsaq, ońtaıly basqarý júıesi, akademııalyq saıasat, bilim baǵdarlamalarynyń sapasy, qoljetimdi qarjylandyrý, kásibı oqytýshylar quramy men akademııalyq adaldyq prıntsıpterin saqtaý jáne sapany qamtamasyz etýdiń tıimdi júıesi», - degen mınıstr eldegi joǵary oqý oryndarynyń jartysy jeke menshikke qaraıtynyn eske saldy.

«Negizgi baǵyttarǵa toqtalsaq, elimizdegi 122 ýnıversıtettiń jartysy – jeke menshik uıymdar. Bakalavrıat, magıstratýra men doktorantýra deńgeıinde 600 myńnan astam stýdent bilim alýda. Qazaqstannyń 14 joǵary oqý orny elimizdiń jáne dúnıejúzilik úzdik ýnıversıtetter reıtıngisinde tur. Sońǵy jyldary granttar sany eki esege jýyq ósti. 2025 jylǵa qaraı granttar sany kezeń-kezeńmen 75 myńǵa jetedi», - dedi Ashat Aımaǵambetov.