2025 jylǵa qaraı Qazaqstandaǵy aqyly joldardyń uzyndyǵy 11 myń shaqyrymǵa jetedi
Bul týraly QazAqparat QR Indýstrııa jáne ınfraqurylymdyq damý mınıstrliginińTelegram kanalyna silteme jasap habarlaıdy.
Keńes jumysyna vıtse-mınıstr Berik Kamalıev, QR IIDM Avtomobıl joldary komıtetiniń tóraǵasy Saıranbek Barmaqov, «QazAvtoJol «UK» AQ Basqarma Tóraǵasy Ulan Álipov jáne «Computer Vision Technologies» JShS Basqarma Tóraǵasy Zeınur Maıtekov qatysty.
Búgingi tańda uzyndyǵy 5,8 myń shaqyrym bolatyn joldyń 18 ýchaskesinde baqylaý arkalaryn ornatý boıynsha qurylys-montajdaý jumystary aıaqtaldy. 10 ýchaske testilik paıdalanýǵa berildi. «Shymkent-Ózbekstan shekarasy», «Oral- RF shekarasy (Saratov)», «Oral – RF shekarasy (Samara)» jáne Aqtóbe – RF shekarasy (Orynbor)», «Şýchınsk-Petropavl», «Shymkent-Qyzylorda», «Shymkent-Taraz», «Taraz-Qaınar», «Qapshaǵaı-Taldyqorǵan», «Qostanaı-Troıtsk» ýchaskelerinde 41 baǵdarlamalyq-apparattyq keshen ornatyldy. Barlyq baǵdarlamalyq-apparattyq keshenderdi ornatýdy aıaqtap, qalǵan 8 ýchaskeni testilik paıdalanýǵa berý josparlanyp otyr.
Jalpy uzyndyǵy 5,8 myń shaqyrymdy qamtıtyn I kezeń aıasynda aqyly ýchaskelerdi 2021 jylǵy 30 naýryzda iske qosý josparlanyp otyr.
Aıta ketý kerek, 2021 jyly ınvestıtsııalyq kelisimshart aıasynda uzyndyǵy 800 shaqyrym bolatyn 5 ýchaskede qurylys-montaj jumystary josparlanǵan. Olar: «Petropavl-RF shekarasy (Qorǵan)», «Şýchınsk – Zerendi», «Taskesken – Baqty», «Jetibaı – Jańaózen» jáne «Aqtóbe – Qarabutaq» ýchaskeleri.
Bul másele boıynsha júıeli negizde óńirlerde qoǵamdyq tyńdaýlar ótkiziledi. 2020 jyldyń jeltoqsan aıynda osyndaı 15 qoǵamdyq tyńdaý ótkizildi. Bıylǵy aqpan aıynda 13 ýchaske boıynsha 58 qoǵamdyq tyńdaý ótkizý josparlanǵan.
Esterińizge sala keteıik, 2025 jylǵa qaraı Qazaqstandaǵy aqyly joldardyń uzyndyǵy 11 myń shaqyrymǵa jetedi. Odan túsken qarajat joldardy jóndeýge, kútip-ustaýǵa, aqy alý júıelerine qyzmet kórsetýge jáne ınvestorǵa tóleýge jumsalady.