2025 jylǵa qaraı bıýdjet tapshylyǵy 2,5 paıyzǵa tómendeıdi

NUR-SULTAN. QazAqparat – 2025 jylǵa qaraı bıýdjet tapshylyǵy 2,5 paıyzǵa tómendeıdi. Bul týraly Májiliste «2023-2025 jyldarǵa arnalǵan respýblıkalyq bıýdjet týraly» zań jobasyn tanystyrǵan Qarjy vıtse-mınıstri Tatıana Saveleva aıtty, dep habarlaıdy QazAqparat tilshisi.

«Bıýdjet tapshylyǵy jalpy ishki ónimge qatysty osy jylǵy 3,3 paıyzdan 2025 jylǵa qaraı 2,5 paıyzǵa deıin aıtarlyqtaı tómendeýimen josparlanýda. Bul memlekettik qarjyny basqarý tujyrymdamasynyń jobasynda kózdelgen 2030 jylǵa qaraı bıýdjet tapshylyǵynyń mólsherin jalpy ishki ónimge qatysty 2 paıyzǵa deıin birtindep tómendetý boıynsha shekteýge sáıkes keledi», - dedi ol.

Sonymen qatar ol zań jobasyna jańa qosymshalar engizilgenin atap ótti.

«Atap aıtqanda, bıýdjettik táýekelder jáne memlekettik qarjynyń uzaq merzimdi turaqtylyǵy týraly taldamalyq esep, Memlekettik áleýmettik saqtandyrý qory men Áleýmettik medıtsınalyq saqtandyrý qorynyń túsimderi men shyǵystarynyń boljamy engiziledi», - dedi Tatıana Saveleva.