2025 jylǵa qaraı 800 myń jas turǵyn úı jınaǵy júıesimen qamtylady

NUR-SULTAN. QazAqparat – 2025 jylǵa qaraı 800 myń jas turǵyn úı jınaǵy júıesimen qamtylady. Bul jaıynda Májilis depýtattarynyń saýalyna QR Premer-Mınıstriniń orynbasary Eraly Toǵjanovtyń jaýabynda aıtylǵan, dep habarlaıdy QazAqparat tilshisi.

«Memleket jastardy qoljetimdi turǵyn úımen qamtamasyz etý boıynsha balama is-sharalar qabyldaýda. Mysaly, qazirgi ýaqytta «Ulttyq rýhanı jańǵyrý» ulttyq jobasy jastardyń turǵyn úı máseleleri boıynsha bazalyq suranystaryn sheshýdi kózdeıtin «Táýelsizdik urpaqtary» baǵytyn qamtıdi. Osy baǵyt boıynsha 2025 jylǵa qaraı 800 myń jas adamdy turǵyn úı jınaqtary júıesimen qamtýdy qamtamasyz etý josparlanýda», - delingen vıtse-premer jaýabynda.

Eraly Toǵjanovtyń atap ótýinshe, jastarǵa turǵyn úı qurylys jınaqtary júıesi boıynsha salymdardy tolyqtyrý úshin biryńǵaı zeınetaqy tólemderin paıdalaný múmkindigi berilmek.