2025 jylǵa deıingi damý jospary: Eldiń damýyna eleýli yqpal etetin 6 baǵyt aıqyndaldy
Búgin sarapshylar qaýymdastyǵy men QR Parlamenti depýtattarynyń qatysýymen Talap Talks alańynda ót ótikzilgen dóńgelek ústel barysynda Ulttyq ekonomıka vıtse-mınıstri Álisher Ábdiqadyrov QR 2025 jylǵa deıingi aýmaqtyq damý josparynyń jobasymen tanystyrdy.
«Biz ishki jáne syrtqy áleýmettik-ekonomıkalyq úrdister men syn-qaterlerge taldaý jasadyq, Qazaqstanǵa áser etetin aýmaqtyq-keńistiktik damýdaǵy halyqaralyq tájirıbe men jahandyq úrdister zerdelendi. Jospardyń aǵymdaǵy jobasy Memlekettik josparlaý júıesinde qabyldanǵan ózgeristerdi eskerdi», - dedi Á. Ábdiqadyrov.
Jańa josparda eldiń áleýmettik-ekonomıkalyq jáne aýmaqtyq-keńistiktik damýyna eleýli yqpal etetin 6 negizgi baǵyt aıqyndaldy.
Bul aımaqtandyrý, ekonomıkalyq qýattyń Qytaıǵa aýysýy, klımattyń ózgerýi, tsıfrlandyrý jáne avtomattandyrý, sondaı-aq munaıǵa suranystyń tómendeýi.
«Ýrbandalýdyń álemdik trendi bizdiń elde de aıqyn kórinýde. 10 jyl ishinde qala halqynyń ósý qarqyny aýyl halqyna qaraǵanda 8 ese, eldiń barlyq halyqtyń ósý qarqynynan 1,6 ese asyp tústi. Ýrbanızatsııanyń damýy tek qıyndyq retinde ǵana emes, múmkindik retinde de qabyldanýy kerek. Ekonomıkalyq esepteýler qala halqy sanynyń 1% ósýi JІÓ-niń 0,27% artýyna alyp keletinin kórsetedi», - dedi Álisher Ábdiqadyrov.
Búgingi tańda Qazaqstanda aglomeratsııalar men basqa da iri qalalardyń ozyq demografııalyq ósýi olardyń serpindi ekonomıkalyq damýymen qatar júrýde.
Aglomeratsııalardyń tórt ortalyǵynyń úlesine qazir el halqynyń 22% jáne el JІÓ-niń 33% tıesili.
Al 14 iri qalada (oblys ortalyqtary men Semeı q.) sońǵy 10 jylda halyq sany 13,1% - ke ósti.
Olardyń úlesine óńirlik saýdanyń 68%, eldiń ónerkásiptik óndirisiniń 22,3%, negizgi kapıtalǵa ınvestıtsııalardyń jalpy respýblıkalyq kóleminiń 20,1% tıesili.
Bul fakt qalalardyń «ekonomıkalyq ósý ortalyǵy» retindegi róliniń artqanyn jáne olardyń arasynda talanttar, resýrstar jáne adamı kapıtal úshin básekelestiktiń kúsheıgenin aıǵaqtaıdy.
Eldiń aýmaqtyq-keńistikte damýy eldiń aýmaqtyq tutastyǵy, óńirlerdiń derbestigi, ekonomıkalyq resýrstardyń shoǵyrlanýy, eldiń ishki jáne syrtqy baılanystylyǵy qaǵıdattaryn saqtaýǵa, bazalyq standarttardy qamtamasyz etýge negizdelmek.
Sondaı-aq eldiń aýmaqtyq damý josparynda 4 tásil kózdeledi.
Olar: óńirlerdiń básekelestik artyqshylyǵy negizinde «ósý núktelerin» damytý, basqarylatyn ýrbandalý, «adamdar ınfraqurylymǵa» qaǵıdaty boıynsha aýyldyq aýmaqtardy damytý, halyqtyń aýmaqtyq baılanystylyǵy men utqyrlyǵyn qamtamasyz etý.
Olar 11-Ornyqty damý maqsatynyń ólshemderi negizinde anyqtaldy. Árbir tásildiń ózindik damý baǵyty bar.
«Aýyldyq aýmaqtardy damytý «Aýyl – el besigi» jobasynda aıqyndalǵan basymdyqtar sheńberinde jalǵastyrylady. Óńirlik standarttar júıesi de jalǵasyn tabady. Jekelegen iri aýyldardy qala sanatyna aýystyrýda olardyń mártebesin qaıta qaraý mańyzdy baǵyt bolmaq. Ekonomıkalyq dálizderdi damytý sharasy el aýmaǵynyń ekonomıkalyq baılanystylyǵy deńgeıin arttyrady», - dedi ulttyq ekonomıkalyq vedomstvo mınıstriniń orynbasary.
Іs-sharaǵa QR Parlamenti Májilisiniń Ekonomıkalyq reforma jáne óńirlik damý komıtetiniń tóraǵasy Albert Raý, QR Parlamenti Májilisiniń depýtattary ıÝlııa Kýchınskaıa men Ámirhan Rahymjanov, «Aq jol» partııasy tóraǵasynyń orynbasary Merýert Qazbekova jáne «Bank RBK» AQ Dırektorlar keńesiniń tóraǵasy Bolat Jámishev jáne basqalar qatysty.
Ulttyq ekonomıka mınıstrligi eldiń aýmaqtyq-keńistiktik damý saıasatyn kórsetetin strategııalyq qujat bolyp tabylatyn 2025 jylǵa deıingi Aýmaqtyq damý josparynyń jobasyn ázirlep jatqany belgili.