2025 jylǵa deıin 5 myń mekteptiń ınfraqurylymy jańarady

NUR-SULTAN. QazAqparat – 2025 jylǵa deıin 5000 mekteptiń ınfraqurylymy jańartylady. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Taǵy bir mańyzdy baǵyt – mekteptiń ınfraqurylymyn jańartý. 2025 jylǵa deıin 5000 mekteptiń ınfraqurylymy jańartylady. Ol degenimiz – balalarǵa qaýipsiz jáne qolaıly jaǵdaılardy jasaý, joǵary jyldamdyqty Internetpen, pándik kabınettermen qamtamasyz etý, mektep jıhazdaryn jańartý, mektep kitaphanalary men ashanalaryn jańartý, kúrdeli jáne keshendi aǵymdaǵy jóndeý júrgizý jáne taǵy basqa bastamalar. Osy maqsatta naqty keste jasalyp, ár aýdan men oblys boıynsha tıisti jospar bekitilip jatyr», - dedi mınıstr.

Onyń atap ótýinshe, ınklıýzıvti bilim berý úshin jaǵdaı jasaý jumysy jalǵasady.

«Erekshe balalarǵa arnalǵan uıymdardy ashý normatıvi 50 myń balaǵa 1 psıhologııalyq-medıtsınalyq-pedagogıkalyq konsýltatsııa deıin ózgeredi. Bul osy erekshe balaqaılarymyz úshin óte qajet sheshim ekeni sózsiz. Aımaqtarda 46 psıhologııalyq-medıtsınalyq-pedagogıkalyq konsýltatsııa jáne 33 túzetý kabınetin qurý qajet. Ákimdikterden osy jumysty qysqa merzim ishinde júzege asyrýlaryn suraımyn.Býllıngtiń, sýıdtsıdtiń aldyn alý, balalar úshin qaýipsiz orta qalyptastyrý jáne balalardy qaýipsiztasymaldaý úshin avtobýs parkin jańartý jumysy da qolǵa alynady», - dedi Ashat Aımaǵambetov.