2025 jylǵa deıin 30 medıtsınalyq zaýyt salynady - mınıstr
17:42, 15 Qazan 2021
NUR-SULTAN. QazAqparat – Densaýlyq saqtaý mınıstrilgi 2025 jylǵa deıin dári-dármek pen medıtsınalyq uıym shyǵaratyn 30 zaýyt salýdy josparlap otyr. Ortalyq kommýnıkatsııalar qyzmetinde ótken brıfıngide «Salaýatty ult» ár azamat úshin sapaly jáne qoljetimdi densaýlyq saqtaý» ulttyq jobasyn tanystyrǵan QR Densaýlyq saqtaý mınıstri Alekseı Tsoı osyndaı málimet berdi, dep habarlaıdy QazAqparat tilshisi.
«Ultyq jobanyń úshinshi baǵytynda Memleket basshysynyń bıylǵy 1 qyrkúıektegi Joldaýynda aıtylǵan tapsyrmalary eskerilgen. Qoldanystaǵy dárilik zattar men medıtsınalyq buıymdardyń ishinde otandyq óndiristiń úlesin 50% deıin ulǵaıtý josparlanyp otyr», - dedi mınıstr.
Sondaı-aq, vedomstvo basshysy memlekettik satyp alý arqyly alynatyn medıtsınalyq buıymdar men dári-dármektiń 50% otandyq óndiristen qamtý kózdelgenin atady.
«Halyqaralyq standarttarǵa sáıkes akkredıttelgen zerthanalar men ortalyqtardyń úlesi 100% jetkiziledi. Dárilik zattar men medıtsınalyq buıymdardy shyǵarý boıynsha keminde 30 jańa óndiristi iske qosý josparlanǵan», - dedi Alekseı Tsoı.