2025 jyldan Qazaqstan EAEO elderinde ádil roýmıng tarıfterine kóshýi múmkin
Arman Shaqqalıev Eýrazııalyq ekonomıkalyq komıssııa keńesiniń (Komıssııa keńesi) buıryǵymen Eýrazııalyq ekonomıkalyq odaqqa (Odaq) múshe memleketterdiń aýmaqtarynda halyqaralyq roýmıngte uıaly baılanys qyzmetterine ádil tarıfterdi belgileý úshin qajetti sharttardy qalyptastyrý jónindegi is-sharalar Josparyn qabyldaý jónindegi máseleni túsindirip ótti.
«Búgin Komıssııa keńesi qabyldaǵan ádil roýmıng tarıfterin belgileý jónindegi is-sharalar Jospary Odaqqa múshe memleketterdiń azamattary men halyqaralyq qaýymdastyǵyna «is-árekettegi» ıntegratsııany kórsetedi.
Jospardy ázirleý QR Premer-Mınıstri Asqar Uzaqpaıuly Mamınniń bastamasy bolyp tabylady. Osy bastama 2019 jyldyń qazan aıynda Erevan qalasynda ótken Úkimetaralyq keńes barysynda málimdelgen.
Osyǵan uqsas sheshimderdi kóptegen ıntegratsııalyq birlestikter, onyń ishinde Batys Afrıka Odaǵy, And qaýymdastyǵy da qabyldaǵanyn atap ótkim keledi. Mysaly, Eýropalyq odaq roýmıngte «úı» tarıfterin ornatýyn 20 jetistikteriniń eń jaqsysynyń biri retinde moıyndady.
Jospar Odaqqa múshe elderdiń memlekettik organdarymen, sondaı-aq uıaly baılanys operatorlarymen birqatar tehnologııalyq jáne uıymdastyrýshylyq máselelerdi zerdeleýdi kózdeıdi.
Budan basqa, Josparǵa ádil tarıfterdi adal paıdalaný erejelerin ázirleý kiredi. ıAǵnı, «úı» tarıfterin roýmıngte qoldanýdyń maksımaldy merzimin anyqtaıdy.
Biz óz tarapymyzdan Jospar boıynsha is-sharalardyń oryndalýyn qadaǵalaıtyn bolamyz. Olardy tolyq engizgennen keıin, 2025 jyldan bastap bizge Eýrazııalyq ekonomıkalyq odaq elderinde ádil roýmıng tarıfterine kóshýge múmkindik beredi», - delingen málimdemede.