2025 jyldan bastap kedeılik shegi medıandyq tabys boıynsha aıqyndalady
«Ekinshi strategııalyq baǵyt – ataýly áleýmettik qoldaýdy kúsheıtý. Ol aldyn alý sıpatyndaǵy ataýly sharalardy jáne týyndaǵan áleýmettik táýekelderdiń saldaryn joıý úshin ataýly kómekti qamtıtyn bolady. Áleýmettik qoldaýǵa muqtaj adamdardyń nysanaly kontıngenti Otbasynyń tsıfrlyq kartasy negizinde aıqyndalady», – dedi vedomstvo basshysy.
Mınıstr 2023 jyldyń 1 qańtarynan bastap bala kútimi boıynsha tólemder kezeńi ulǵaıtylǵanyn, 2024 jyldan bastap Ulttyq qordyń jyl saıynǵy ınvestıtsııalyq tabysynyń 50%-yn balalardyń 18 jasqa tolǵanǵa deıingi arnaıy jınaqtaýshy shottaryna aýdarý kózdelgenin eske saldy.
«Az qamtylǵan otbasylarǵa áleýmettik qoldaýdy kúsheıtý úshin 2025 jyldan bastap ataýly áleýmettik kómek kórsetý úshin kedeılik shegi medıanalyq tabysqa súıene otyryp aıqyndalady. Quramynda múgedektigi bar adamdar bar otbasylar úshin arnaýly áleýmettik qyzmetterdiń qoljetimdiligin qamtamasyz etý jóninde sharalar qabyldanady», - dedi Tamara Dúısenova.
Buǵan deıin de kedeılik shegi endi medıandyq tabys deńgeıi arqyly anyqtalatyndyǵy aıtyldy.