2025 - jumysshy mamandyqtar jyly: tıisti jol kartasy ázirlenip jatyr

<p>ASTANA. KAZINFORM &ndash; Tehnologııalyq kóshbasshy kolledjderdi damytýǵa ekpin qoıylyp otyr. Bul týraly Májiliste kadrlyq áleýetti nyǵaıtý taqyrybynda ótip jatqan Úkimet saǵatynda Oqý-aǵartý mınıstri Ǵanı Beısembaev málim etti.</p>

«Memleket basshysy Qasym-Jomart Kemeluly bıylǵy Joldaýynda kásiptik bilimdi reformalaýdyń mańyzdylyǵyna aıryqsha toqtalyp, 2025 jyldy «Jumysshy mamandyqtar jyly» dep jarııalady. Osy rette mınıstrlik Jumysshy mamandyqtar jylyna arnalǵan jospardy jáne kásiptik bilimdi transformatsııalaýǵa baǵyttalǵan jol kartasyn ázirlep jatyr», - dedi Ǵ. Beısembaev.

Kásiptik bilim berý júıesin transformatsııalaýdy birqatar baǵytta júrgizý josparlanǵan.

Birinshiden, óńirler ekonomıkasynyń qurylymyna taldaý júrgizildi. 4 makroóńir anyqtalyp, olardyń damý baǵyttary belgilendi. Osyǵan sáıkes 195 kolledj beıindeldi (profılızatsııa). Bul rette, kolledjderdiń memlekettik bilim berý tapsyrysyn aımaq ekonomıkasyna baǵyttaý qajet. Bul baǵytta jumys jalǵasady.

Ekinshiden, tehnologııalyq kóshbasshy kolledjderdi damytý eskerilgen. Bul maqsatta mınıstrlik baǵalaý júıesiniń jobasyn ázirledi. Bul júıe boıynsha halyqaralyq tájirıbe zerdelenip, reıtıngtik baǵalaýǵa negizdelgen. Onyń bir kórsetkishi - kolledjderdiń halyqaralyq salalyq talaptarǵa saı baǵalaýdan ótýi.

«Úshinshi baǵytymyz - bilim mazmunyn qaıta qarap, halyqaralyq talaptardy engizý. Búginde elimizdegi kolledjderi osyndaı standarttar engizip, túlekter tıisti mamandyqtar boıynsha sertıfıkattaýdan ótip jatyr. Sonymen qatar, pedagogterdiń áleýetin kóterý jumystary júzege asyrylady, bunda pedagogterdiń kásiporyndarda taǵylymdamadan ótýi jáne ónerkásipten mamandardy tartý kózdelgen. Tórtinshiden, tıimdi basqarý júıesin qalyptastyrý qarastyrylǵan. ıAǵnı, Basqarýshy korpýsty daıarlaý jalǵasady. Besinshiden, bul tehnıkalyq jáne kásiptik bilim berýdiń qarjylyq modeliniń jańarýy. Osy turǵyda jan basyna shaqqandaǵy normatıvtik qarjylandyrý bazalyq bólimnen jáne jańa yntalandyrýshy tólemnen turady. Qazirgi kezde jan basyna shaqqandaǵy normatıvtik qarjylandyrýdyń jańa ádistemesiniń jobasy Qarjy mınıstrligimen birlesip pysyqtalyp otyr. Onyń qorytyndysy boıynsha respýblıkalyq bıýdjet komıssııasynyń qaraýyna engiziledi», - dedi mınıstr.

Aıta ketsek, Prezıdent Qazaqstan halqyna Joldaýynda 2025 jyldy Jumysshy mamandyqtary jyly dep jarııalady.

Budan buryn habardlanǵandaı, QR Parlamenti Májilisi tóraǵasynyń orynbasary Danııa Espaevanyń aıtýynsha, tehnıkalyq jáne kásiptik bilim berýdi reformalaý arqyly jumysshy kásipterdiń bedelin arttyrý qajet. Sebebi qazirgi kezde kásiptik-tehnıkalyq bilimi bar mamandyqtarǵa degen suranys joǵary bilimdi túlekterge degen qajettilikten 70 paıyzǵa artyq.

Eske salsaq, bıyl kúzde kolledj stýdentteriniń stıpendııasy taǵy 50 paıyzǵa ósti.