2025 jyly memlekettik qyzmetshilerdiń, depýtattar men sýdıalardyń kiristeri ashyq jarııalanady

<p>ASTANA. KAZINFORM &ndash; Keler jyldan bastap &laquo;A&raquo; korpýsynyń saıası memlekettik qyzmetshileri, memlekettik ákimshilik qyzmetshileri, adam quqyqtary jónindegi ýákil, Parlament depýtattary, sýdıalar, kvazımemlekettik sektordaǵy laýazymdy tulǵalar men olardyń jary kiristeri men múlki týraly deklaratsııa tapsyrýǵa mindetti.</p>

2025 jylǵy 1 qańtardan bastap «Sybaılas jemqorlyqqa qarsy is-qımyl týraly» Zańnyń 11-babynyń 9-tarmaǵy qoldanysqa engiziledi. Bul degenimiz joǵaryda atalǵan «A» korpýsyna jatatyn memlekettik qyzmetshilerdiń kiristeri men múlki týraly tapsyrǵan deklaratsııasy ashyq jarııalaýǵa jatady. Osy oraıda Sybaılas jemqorlyqqa qarsy is-qımyl agenttigi «Jarııalanýǵa jatatyn kirister men múlik týraly deklaratsııadan málimetter tizbesin bekitý týraly» buıryq jobasyn ázirlep, «Ashyq NQA» portalynda jarııalady.

«A» korpýsyna jatatyn saıası memlekettik qyzmetshiler kirister men múlik týraly deklaratsııada qandaı málimetterdi kórsetýi kerek: 

- Qazaqstan Respýblıkasynan tys jerlerde satyp alynǵan múlik (onyń ishinde aqsha) týraly aqparat:

1) múliktiń túri;

2) múlik tirkelgen el;

3) múliktiń quny (bar bolsa).

- Qazaqstan Respýblıkasynan tys jerlerde ıelikten shyǵarylǵan múlik (onyń ishinde aqsha) týraly aqparat:

1) múliktiń túri;

2) múlik tirkelgen el;

3) múliktiń quny (bar bolsa).

- Qazaqstan Respýblıkasynan tys ornalasqan sheteldik bankterdegi banktik shottardaǵy aqsha týraly aqparat:

1) Aqshanyń valıýtamen kórsetilgen somasy;

2) Banktiń ataýy jáne bank ornalasqan el.

- Jeke tulǵanyń menshik quqyǵyndaǵy múlik týraly aqparat, ıaǵnı shet memlekettiń quzyretti organynda memlekettik nemese ózge de tirkeýge jatatyn múlik, emıtentteri Qazaqstan Respýblıkasynan tys jerlerde tirkelgen baǵaly qaǵazdar, tsıfrlyq aktıvter, ınvestıtsııalyq altyn, Qazaqstan Respýblıkasynan tys jerde tirkelgen zańdy tulǵanyń jarǵylyq kapıtalyndaǵy úlesi:

1) jyljymaıtyn múliktiń túri;

2) jyljymaıtyn múlik tirkelgen el;

3) sany.

Qujat jobasy 27 jeltoqsanǵa deıin qoǵamdyq talqylaýǵa usynylyp otyr.

Bıyl qarashada belgili bolǵandaı qazaqstandyqtardyń bir bóligi deklaratsııa tapsyrýdan bosatyldy.