2025 jyly Qazaqstanda top-50 lastaýshy kásiporyn ekologııalyq ruqsat alady

<p>ASTANA. KAZINFORM &ndash; Keler jyldan bastap otandyq kásiporyndar eń úzdik qoljetimdi tehnologııalardy engizý shartymen keshendi ekologııalyq ruqsat alýǵa kóshedi. Tolyǵyraq Májilis depýtaty, Ekologııa máseleleri jáne tabıǵatty paıdalaný komıtetiniń tóraǵasy Edil Jańbyrshın aıtyp berdi.&nbsp;</p>

– Jasyl tehnologııa – turaqty damýdy qamtamasyz etýdiń, ekologııalyq zalaldy azaıtýdyń jáne bolashaq urpaqtyń ómir súrý sapasyn jaqsartýdyń basty kilti. Álemniń kóshbasshylary men iri kompanııalar jasyl tehnologııa ınnovatsııasyna qomaqty resýrstar salyp jatyr, óıtkeni olar planetanyń bolashaǵyna ózderi jaýapty ekenin túsinip otyr. Qazaqstan jahandyq qaýymdastyqtyń bir bóligi osy kún tártibin qoldaıdy. Memleket basshysy Bakýde ótken klımattyń ózgerýi jónindegi taraptardyń konferentsııasynda ekologııalyq bastamalardyń mańyzyn atap ótti jáne elimizdiń jasyl tehnologııany jaqtaıtynyn rastady. Prezıdent 2060 jylǵa deıingi kómirtegi beıtaraptyǵyna qol jetkizýdi strategııalyq mindetterdiń biri ekenin basa aıtty, - dedi Edil Jańbyrshın elordada ótken GCIP Kazakhstan 2024 ulttyq forýmda.

Foto: Aǵybaı Aıapbergenov/ Kazinform

Komıtet tóraǵasynyń málimetinshe, byltyr elimizde jańartylǵan energııa kózderiniń úlesi 25%-ǵa artyp, jalpy óndiris kóleminiń 6%-yn qurady. 

– Qazaqstanda klımattyń ózgerýine beıimdelý úshin ozyq tehnologııalar qoldanysqa engizilip jatyr. Onyń ishinde spýtnıktik monıtorıng, tsıfrlyq quraldar, ınnovatsııalyq basqarý júıeleri bar. Bul ekologııalyq qaýip-qaterdi azaıtýǵa múmkindik beredi. Elimizdiń 200 mln gektardan asatyn jerdi qamtıtyn aýyl sharýashylyǵynda kómirtekti eginshilik ádisterin engizý perspektıvasy zor. Bul parnıktik gazdyń azaıýyna yqpal etedi, topyraq sapasyn jaqsartyp, qunarlyǵyn arttyrady. Jasyl tehnologııalar elimizdiń ekonomıkalyq ósýi úshin tek syn-qater emes sonymen qatar biregeı múmkindikterdi usynady, - deıdi ol. 

Foto: Aǵybaı Aıapbergenov/ Kazinform

Sondaı-aq Májilis depýtaty jasyl tehnologııalardy damytý jańa jumys oryndaryn ashýǵa, ınnovatsııany yntalandyrýǵa jáne ınvestıtsııa tartýǵa yqpal etetinin aıtyp otyr. 

– Bul ekonomıkany ártaraptandyrýǵa, shıkizatqa táýeldilikti tómendetýge jáne álemdik arenadaǵy pozıtsııamyzdy nyǵaıtýǵa múmkindik. Qazaqstanda zańnamalyq deńgeıde qabyldanǵan baǵyttardyń biri birinshi sanattaǵy nysandar úshin eń úzdik qoljetimdi tehnologııalardy engizý shartymen keshendi ekologııalyq ruqsattarǵa kóshý. 2025 jyldan bastap top-50 lastaýshy kásiporyn keshendi ekologııalyq ruqsat alýdy bastaıdy. 2030 jyldan bastap birinshi sanattaǵy barlyq kásiporyn osy júıege qosylady, - dep tolyqtyrdy Edil Jańbyrshın.

Eske sala keteıik, bıyl maýsymda Úkimet basshysy Oljas Bektenov «jasyl ekonomıka» ındıkatorlaryn óńirlik damý josparlaryna biriktirýdi tapsyrdy.