2025 jyly Qazaqstanda TMD Syrtqy ister mınıstrleri keńesiniń otyrysy ótedi

<p>MÁSKEÝ. KAZINFORM &ndash; Qazaqstan Premer-Mınıstriniń orynbasary &ndash; Syrtqy ister mınıstri Murat Nurtileý Táýelsiz Memleketter Dostastyǵy Syrtqy ister mınıstrleri keńesiniń kezekti otyrysyna qatysty.</p>

Іs-shara barysynda qatysýshylar óńirlik jáne halyqaralyq kún tártibindegi ózekti máselelerdi, Dostastyqqa qatysýshy memleketterdiń ózara is-qımylynyń jaı-kúıi men perspektıvalaryn talqylady. 

Foto: QR SІM

«Syrtqy saıası vedomstvolardyń basshylary birqatar sheshimder men saıası málimdemeler, onyń ishinde Eýrazııadaǵy qaýipsizdikti qamtamasyz etýdegi yntymaqtastyq jáne dene shynyqtyrý men sport salasyndaǵy ózara is-qımyl týraly málimdemeler qabyldady. 2010 jylǵy 10 jeltoqsandaǵy TMD-ǵa qatysýshy memleketterdiń adamdardy memleketaralyq izdestirý týraly shartyna ózgerister men tolyqtyrýlar engizý týraly hattama jáne Dostastyq elderiniń qylmystyq-atqarý qyzmetteri úshin kadrlardy daıarlaý týraly kelisim bekitildi», - delingen QR SІM habarlamasynda.

Foto: QR SІM

Kezdesý qorytyndysy boıynsha mınıstrler 8 qazanda Máskeýde ótetin TMD sammıti barysynda memleket basshylarynyń qaraýyna usynylatyn qujattardyń jobalaryn kelistirdi. 

Foto: QR SІM

Kazinform agenttiginiń menshikti tilshisi habarlaǵandaı, TMD Syrtqy ister mınıstrleri keńesiniń kelesi otyrysy keler jyldyń 11 sáýirinde Qazaqstanda ótetini belgili boldy.