2025 jyly Qazaqstanda birneshe ishki jáne halyqaralyq áýe reısteri ashylady

<p>ASTANA. KAZINFORM — Keler jyly elimiz jańa áýe reısterin ashyp, birneshe ushaq satyp almaq. </p>

— Bıyl 22 jańa áýe baǵyty ashyldy, kelesi jyly taǵy 10 áýe qatynasyn ashý josparda bar. Halyqaralyq áýe tasymalynyń qatarynda Býdapesht, Mıýnhen jáne Rım bar. Sonymen qatar keler jyly qosymsha 18 ushaq satyp alý josparlanyp otyr, al bıyl 10 ushaq satyp alyndy, — dedi Kólik mınıstriniń orynbasary Maqsat Qalıaqparov. 

Sondaı-aq, vıtse-mınıstr ishki áýe reısterine toqtaldy. 

— Іshki áýe reısterin kóbine týrıstik baǵyttar boıynsha ashýdy jáne sýbsıdııalaýdy josparlap otyrmyz. Ótinimdi jergilikti ákimdik berýi kerek. Qarjylandyrý kózin anyqtalǵan soń, jańa reıster ashylady, jalpy ishki jáne halyqaralyq áýe reısterin ashý boıynsha kedergi joq, másele qarjyǵa kelip tireledi, — deıdi ol.

Búgin elordada «Kólik jáne logıstıka naryǵy» VI halyqaralyq konferentsııasy jáne GLOBAL Avia DAY áýe tasymaldaryn damytý jónindegi I halyqaralyq forýmy ótti.

Buǵan deıin Qazaqstanda taǵy eki áýejaıdyń senimgerlik basqarýǵa beriletinin habarlaǵan edik.

Aıta keteıik, elordada ótken halyqaralyq forým barysynda Qazaqstan, Ázerbaıjan jáne Grýzııa arasynda biryńǵaı temirjol ákimshiligi qurylatyny aıtyldy.