2025 jyly ınflıatsııa tómendeı me – Ulttyq bank boljamy

<p>ASTANA. KAZINFORM &ndash; Ulttyq bank tóraǵasy Tımýr Súleımenov kelesi jylǵy ınflıatsııa dınamıkasyna qatysty túsinik berdi.</p>

«Inflıatsııa dınamıkasy Ulttyq banktiń boljamyna sáıkes keledi. Jalpy ınflıatsııanyń tómendeýi – ustamdy qatań aqsha-kredıt saıasatyna jáne Úkimettiń ınflıatsııaǵa qarsy sharalaryna baılanysty. Osy oraıda Ulttyq bank bıyl jyl basynan beri bazalyq mólsherlemeni tórt ret tómendetti. Osylaısha bazalyq mólsherleme 15,75%-ten 14,25%-ke deıin tómendedi», - dedi Tımýr Súleımenov Májilistiń jalpy otyrysynda 2025-2027 jyldarǵa arnalǵan respýblıkalyq bıýdjetti talqylaý barysynda. 

Sonymen qatar Tımýr Súleımenov ınflıatsııaǵa qatysty boljam jasaǵanda táýekelder qatar júretinin aıtyp otyr. 

«Bizdiń boljam boıynsha 2025 jyly ınflıatsııa 5,5-7,5% dálizinde qalyptasady. 2026 jyly targetke jaqyndap, 5%-ten 7%-ke deıingi aralyqta bolady dep boljam otyrmyz», - deıdi ol. 

Buǵan deıin Ulttyq bank basshysy bıyl toǵyz aıdyń ishinde jalpy ishki ónim 4 paıyzǵa artqanyn aıtqan edi.