2025 jyly eń tómengi jalaqy óse me – mınıstr jaýaby

<p>ASTANA. KAZINFORM &ndash; Eńbek jáne halyqty áleýmettik qorǵaý mınıstri Svetlana Jaqypova elimizdegi eń tómengi jalaqynyń ósýine qatysty túsinik berdi.</p>

«Búginde elimizde eń tómengi jalaqy 85 000 teńge. Keler jyly osy 85 myń teńge kóleminde qalady. Biz eń tómengi jalaqyny taǵaıyndaý ádistemesin ázirledik. Ol boıynsha jańa eńbek ónimi men medıandyq jalaqyny biriktirdik. Medıandyq eńbekaqy men eń tómengi jalaqy kórsetkishterin salystyrsaq 34% aıyrmashylyq bar. Biz endi ár jumysshynyń eńbek táýekelderi kartasyn jasap, jumys berýshilermen birlesip qarastyramyz. Árıne, jumys berýshi men jumysshy arasynda kelisimshart jasalady, ol eńbek kodeksine negizdeledi. Biraq, bıznes salasyndaǵy keıbir jumysshylardyń medıandyq eńbekaqy men eń tómengi jalaqy kórsetkishteri 9%-ǵa jetpeıdi», - dedi Svetlana Jaqypova Úkimet otyrysynan keıin ótken baspasóz máslıhatynda.

Osylaısha mınıstr medıandyq jáne eń tómengi jalaqy arasyndaǵy aıyrmashylyqty 9%-dan 34%-ǵa arttyrý jospary baryn aıtty.

Vedomstvo basshysynyń aıtýynsha, atalǵan qadam qazaqstandyqtardyń eń tómengi jalaqy mólsherin ósirýge yqpal etedi.

Eske sala ketsek, jyl basynda Qazaqstanda eń tómengi jalaqyny esepteý ádistemesi ózgerýi múmkin ekeni aıtylǵan.