2025 jyly eldegi 4 áýe aılaǵy spýtnıktik aeronavıgatsııaǵa kóshedi

<p>ASTANA. KAZINFORM &ndash; 2025 jyly Úrjar, Qyzylorda, Jezqazǵan, Balqash áýe aılaqtary spýtnıktik aeronavıgatsııaǵa kóshedi. Bul týraly Kólik mınıstrligi Kazinform saýalyna joldaǵan jaýabynda málim etti.&nbsp;</p>

«Qazaqstan Respýblıkasynda GNSS spýtnıktik júıeleriniń sıgnaldaryn paıdalanatyn navıgatsııa belsendi engizilip keledi. 2021 jyly Qazaqstan Respýblıkasynyń joǵarǵy áýe keńistiginde RNAV-5 spetsıfıkatsııasynyń aımaqtyq navıgatsııa baǵyttaryn engizý baǵytynda jumystar júrgizildi. RNAV-5 spetsıfıkatsııasy boıynsha 95 aımaqtyq navıgatsııa marshrýty ornatyldy. 2019, 2020 jyldary Astana jáne Almaty áýe aılaqtaryndaǵy áýe keńistiginde (PBN) sıpattamalary negizinde navıgatsııany, sondaı-aq qadamsyz tómendetý jáne bıiktikke kóterilý (CDO/CCO) rásimderin engizý jobalary iske asyryldy», - delingen jaýapta. 

Resmı málimette 2024 jyly PBN spýtnık sıgnaly arqyly qoný jáne ushý shemalary Aqtaý, Atyraý, Shymkent, Úsharal jáne Óskemen áýe aılaqtarynda qoldanysqa enetini aıtylǵan.

«2025 jyly Úrjar, Qyzylorda, Jezqazǵan, Balqash áýe aılaqtarynda (PBN) shemalardy engizý josparlanýda. Sonymen qatar, PBN engizý boıynsha jobalardy iske asyrý úshin álemniń basqa elderinde PBN engizý boıynsha tabysty tájirıbesi bar halyqaralyq uıymdardyń tájirıbesi eskeriledi», - dep jazylǵan resmı jaýapta.