2025 jyly bıýdjet tapshylyǵy JІÓ-niń 2,7 paıyzy deńgeıinde qalyptasady

<p>ASTANA. KAZINFORM &ndash; 2025 jyly bıýdjet túsimderi 21,7 trln teńge bolady. Bul týraly Úkimet otyrysynda Premer-mınıstrdiń orynbasary &ndash; Qarjy mınıstri Mádı Tákıev aıtty.&nbsp;</p>

«Sizderdiń nazarlaryńyzǵa «2025-2027 jyldarǵa arnalǵan respýblıkalyq bıýdjet týraly» Zań jobasy usynylyp otyr. Zań jobasy, Bıýdjet kodeksine sáıkes, eldiń 2029 jylǵa deıingi áleýmettik-ekonomıkalyq damý boljamy negizinde ázirlengen. Bıýdjet parametrleri kepildendirilgen transfert, shyǵystardyń ósý qarqyny men bıýdjet tapshylyǵy boıynsha bıýdjet zańnamasynda belgilengen qaǵıdalarǵa sáıkes keledi. 2025 jylǵa arnalǵan túsimder 21,7 trln teńge deńgeıinde boljanyp otyr», - dedi ol. 

Mınıstrdiń aıtýynsha, akelesi jyly Ulttyq qordan 2 trln teńge somasynda kepildendirilgen transfert tartý josparlanǵan.

«Bıýdjet tapshylyǵy 2025 jyly jalpy ishki ónimge 2,7 paıyz deńgeıinde, al 2027 jylǵa qaraı jalpy ishki ónimge 1,9 paıyzǵa deıin tómendeý boljanady. Bıýdjet shyǵystary 2025 jylǵa arnalǵan kirister men tapshylyqty eskere otyryp, 2024 jylǵa qaraǵanda 1,7 trln teńgege ulǵaıyp, 25,8 trln teńgeni quraıdy», - dedi Mádı Tákıev.