2025 jyly bilim mekemeleri pedagog emes qyzmetkerleriniń jalaqysy 100% artady
«Memleket basshysy men el Úkimeti bıýdjet salasy qyzmetkerleriniń eńbegine aqy tóleý máselesine únemi erekshe nazar aýdarady. Bıýdjet salasynyń qyzmetkerleriniń, onyń ishinde pedagogterdiń jalaqysy birneshe ret (2001 jyly — 30, 2002 jyly — 35, 2004 jyly — 20, 2006 jyly — 32, 2007 jyly — 30, 2008 jyly — 8, 2009 jyly — 25, 2010 jyly — 25, 2011 jyly — 30, 2014 jylǵy 1 sáýirden bastap — 10, 2016 jyly shamamen — 11, 2019 jyly shamamen 50 paıyzǵa) kóterildi. Memleket basshysynyń 2019 jylǵy 2 qyrkúıektegi Qazaqstan halqyna Joldaýyndaǵy tapsyrmaǵa sáıkes, 2020-2023 jyldary kezeńinde pedagogterdiń jalaqysy eki esege (2020 jyly — 25 (2019 jylǵy bazaǵa qaraǵanda), 2021 jyly — 50, 2022 jyly — 75 jáne 2023 jyly — 100 paıyzǵa) artty. Sondaı-aq mektepke deıingi tárbıe jáne oqytý pedagogteriniń jalaqysy 2023 jylǵy 1 qyrkúıekten bastap taǵy 30 paıyzǵa kóterildi. Bıyl pedagogterdiń jalaqysyn arttyrý qarastyrylmaǵan», — dep atap ótedi mınıstrlikten agenttiktiń resmı saýalyna oraı.
Vedomstvonyń málimetinshe, Memleket basshysynyń 2021 jylǵy 1 qyrkúıektegi Qazaqstan halqyna Joldaýyndaǵy tapsyrmasyn oryndaý úshin bilim berý uıymdarynda qyzmet atqaratyn pedagog emes qyzmetkerlerdiń (ákimshilik jáne qosalqy personal qyzmetkerleriniń) jalaqysy 2022-2025 jyldar kezeńinde orta eseppen 20 paıyzǵa kóterilip jatyr.
Máselen, olardyń jalaqysy 2022 jyly — 23, al ótken jyly — 45 paıyzǵa ulǵaıdy.
«Osylaısha, bilim berý uıymdarynyń ákimshilik jáne qosalqy personal qyzmetkerleriniń jalaqysy 2024 jyly 71 paıyzǵa ósti. Atalǵan sanattaǵy qyzmetkerlerdiń jalaqysyn 2025 jyly 100 paıyzǵa arttyrý josparlanǵan», — dedi mınıstrlikten.