2025 jyly Almatydaǵy beınekameralar sany 50 myńǵa jetedi

<p>ALMATY. KAZINFORM &ndash; Almatyda &laquo;Aqyldy qala&raquo; baǵyty aıasynda túrli jobalar iske asyrylyp jatyr. Olardyń qatarynda &ndash; &laquo;Biryńǵaı beınemonıtorıng júıesi&raquo;, &laquo;Keshendi qaýipsizdik júıesi&raquo; jobalary bar.</p>

«Aqyldy qala» jobasy aıasynda iske asyrylyp jatqan jumystarǵa saı 2024 jyly Almaty qalasyndaǵy beınekameralar sanyn 50 myńǵa jetkizý kózdelgen. Bıyl jyl sońyna deıin 3 000 kamera ornatý josparlanǵan. Al qalǵan 3 000-y 2025 jyldyń naýryz aıynyń sońyna deıin ornatylady. 

– 2022 jyldyń tamyz aıynan bastap Almaty qalasynda «Biryńǵaı beınemonıtorıng júıesi» jobasy iske asyrylyp keledi. Onyń basty mindeti – barlyq qalalyq beınebaqylaý kamerasyn bir platformada biriktirý jáne alynǵan beınematerıalǵa naqty ýaqyt rejıminde saraptama jasaý, - dep habarlady Almaty qalasy tsıfrlandyrý basqarmasynan. 

Aıta keteıik, buǵan deıin Almatyda biryńǵaı júıege 45 myń kamera qosylǵanyn jazǵanbyz. Onyń ishinde qalada 9 034 beınekameradan turatyn 1 641 «Sergek» kesheni jumys istep tur. 

Sondaı-aq vedomstvo málimetine sáıkes, «Aqyldy qala» jobasy aıasynda keshendi qaýipsizdik júıesi búgingi kúni 214 jalpy bilim berý mekemelerinde jáne 193 mektepke deıingi uıymdarda ornatylǵan. Bul joba aıasynda beınebaqylaý júıesi, órt-kúzet dabyl júıesi, kirýdi baqylaý jáne basqarý júıesi, SOS dabyl túımesi, domofon baılanysy júıesi ornatylady. 

– 2024 jyldyń sońyna deıin densaýlyq saqtaý mekemelerinde keshendi qaýipsizdik júıesi jobasyn iske asyrý josparlanyp otyr, - dep habarlady tsıfrlandyrý basqarmasynan.

Eske salaıyq, 2023 jyly tamyz aıynda Almatynyń mektepteri keshendi qaýipsizdik júıesine qosylatynyn jazǵan edik.