2025 jyly Almatyda týrızmdi damytý úshin ne isteledi
Almaty - týrıster úshin elimizdegi eń tartymdy qalalarynyń biri. Kazinform agenttigi qalalyq Týrızm basqarmasynan bıyl jańa týrısterdi tartý boıynsha megapolıste qandaı jumystar atqarylatynyn surady.
Resmı jaýapqa sáıkes, 2024 jyldyń 9 aıynda Almatyǵa 1,7 mln qonaq kelgen. Onyń ishinde 507,5 myń adam sheteldik meımandar bolsa, 1,2 mln adam - ishki týrıster. Jalpy sheteldik týrıster álemniń 100-den astam elinen kelgen bolsa, onyń ishinde kósh bastap turǵan Reseı azamattary - 117 534. Ekinshi orynda Úndistan – 82 731 týrıst, úshinshi orynda Qytaı – 73 328 týrıst. Sonymen qatar Túrkııa men AQSh alǵashqy bestikke endi. Túrkııadan kelgen týrıster sany – 26 273, al AQSh-tan – 21 561 týrıst.
Týrızm basqarmasy bıyl qalany halyqaralyq arenada tanystyrý úshin 9 halyqaralyq týrıstik kórmege, 1 jergilikti kórmege, 4 MICE formatyndaǵy kórmege qatysý josparlanǵanyn jabarlady. Sondaı-aq 2025 jyly 11 sheteldik qalada Almaty týrızmi kúni ótkiziledi.
Odan bólek osy jyly TripAdvisor, Expedia, Spottedbylocals, Edreams syndy halyqaralyq platformalarmen yntymaqtastyq ornatý jáne qalanyń týrıstik áleýetin tsıfrlyq medıada nasıhattaý josparlanǵan.
- Bul sharalar Almatynyń halyqaralyq týrıstik ortalyq retindegi pozıtsııasyn nyǵaıtýǵa, týrıstik qyzmet kórsetý sapasyn jaqsartýǵa jáne ınfraqurylymdy damytýǵa baǵyttalǵan, - delingen basqarma jaýabynda.
Eske salaıyq, bıyl Almaty taýlarynda jańa 3 kempıng-aımaq ashylatynyn jazǵanbyz.
Odan bólek Almatyda aldaǵy úsh jylda 5 615 nómirge arnalǵan 37 qonaq úı salynady.
Aıta keteıik, byltyr Almatyda Qytaıdaǵy Qazaqstan týrızm jyly jabylǵan bolatyn.