2025 jyly Almaty oblysynda sý shaıyp ketken 3 kópir jóndeledi

<p>QONAEV.KAZINFORM - Almaty oblysynyń úsh aýdanynda sý deńgeıiniń kóterilýinen zaqymdanǵan kópirlerge kúrdeli jóndeý júrgiziledi.</p>

Almaty oblysy ákimdiginiń málimetine sáıkes, kóktem, jaz mezgilderinde taýlarda qardyń qarqyndy erýine jáne ózen arnalarynda sý deńgeıiniń kóterilýine baılanysty avtojolda ornalasqan Talǵar, Túrgen jáne Qaskeleń ózenderi arqyly ótetin 3 kópirdi sý shaıyp, qurylysyna zaqym kelgen.

- Qazirgi ýaqytta atalǵan kópirlerge kúrdeli jóndeý júrgizý úshin jobalaý-smetalyq qujattama jasaý boıynsha jumystar júrgizilip jatyr. Joba osy jyldyń sońyna deıin daıyn bolady, - dep habarlady oblys ákimdiginen.

Eske salaıyq, buǵan deıin 2025 jyly Almaty oblysynda 400 shaqyrymnan astam respýblıkalyq avtojol jóndeletinin jazǵanbyz. 

Sondaı-aq Almaty oblysyndaǵy Qara shatqalǵa áınekten aspaly kópir salynatynyn jazǵan edik.