2025 jyldan bastap shaǵyn bıznesten memlekettik satyp alý kólemin Qarjy mınıstrligi bekitedi

<p>ASTANA. KAZINFORM &ndash; 2025 jyldan bastap shaǵyn jáne orta bıznesten memlekettik satyp alý kólemin Qarjy mınıstrligi bekitedi. Úkimet otyrysynda Qarjy mınıstri Mádı Tákıev osyndaı málimet aıtty.</p>

«Shaǵyn jáne orta kásipkerlik sýbektilerinen taýarlardy, jumystar men kórsetiletin qyzmetterdi Qarjy mınıstrligi bekitken tártippen jáne kólemderde satyp alý kózdelip otyr.
Bul otandyq shaǵyn jáne orta bıznesti qoldaýǵa jáne olardy satyp alý kólemimen qamtamasyz etýge múmkindik beredi. Tizbeniń jobasy múddeli memlekettik organdar pysyqtap jatyr. Tizbe 2025 jylǵy 1 qańtardan bastap qoldanysta bolady», - dedi ol.

Sondaı-aq, ol kameraldyq baqylaýlar arqyly ózimizde bar ónimdi syrttan satyp alý faktileriniń joly kesilip jatqanyn málim etti.

«Endi otandyq taýarlardyń ornyna sheteldik taýarlar satyp alynǵan satyp alý qorytyndylarynyń kúshin memlekettik aýdıt organdary joıady. Mysaly bıylǵy sáýirden bastap 25 mln teńgege 8 satyp alýdyń kúshi joıyldy», - dedi mınıstr.