2025 jyldan bastap barlyq óńirdegi balabaqshalarda vaýcherlik qarjylandyrý engiziledi
Vıtse-premerdiń atap ótýinshe, mektepke deıingi bilim berýdiń qoljetimdiligin qamtamasyz etý úshin balabaqshalarda vaýcherlik qarjylandyrýdyń pılottyq jobasyn engizý bastaldy. Onyń aıasynda:
- ata-analarǵa balabaqshalardy óz betinshe tańdaý múmkindigi beriledi;
- barlyq mektepke deıingi uıym (menshik nysanyna qaramastan) zańnamada belgilengen talaptarǵa sáıkes kelgen jaǵdaıda memlekettik tapsyrysqa ótinim berýge quqyly;
- qarjylandyrý balanyń balabaqshaǵa barý faktisi boıynsha júzege asyrylady («balanyń sońynan aqsha» qaǵıdaty);
- sybaılas jemqorlyq táýekelderin azaıtady.
«Taraz qalasynda iske asyrylǵan jobanyń qorytyndylary tek 2 aıda (tamyz-qyrkúıek) 600 mln teńgeni únemdeýge, balabaqshalarǵa kelmeıtinderdi alyp tastaýǵa jáne eń bastysy balabaqshalarda osy ýaqytqa deıin birneshe jyl kezekte turǵan 2 jastan asqan 17 myńnan astam balany oryndarmen qamtamasyz etýge múmkindik berdi. Qazirgi ýaqytta pılottyq joba Shymkent qalasynda jáne Túrkistan oblysynda jalǵasýda. Kelesi jyldan bastap ony barlyq óńirde kezeń-kezeńmen engizýdi josparlap otyrmyz. Sonymen qatar pılotty iske asyrý barysynda mektepke deıingi uıymdardyń jabylý faktisi anyqtalǵan joq. Tek bala qatyspaǵan nemese jalǵan derekterge baılanysty qarjylandyrýdyń tómendegeni baıqalady», - dedi Tamara Dúısenova.
Onyń aıtýynsha, 2024 jylǵy 13 tamyzda «Atameken» UKP aıasynda mektepke deıingi uıymdarda vaýcherlik júıeni engizýdiń pılottyq jobasy talqylandy. Otyrysqa jekemenshik mektepke deıingi uıymdardyń quryltaıshylary men qaýymdastyqtary, óńirlik kásipkerler palatalarynyń ókilderi qatysty.
«Otyrysqa qatysýshylar pılottyq jobany iske qosýdy qoldady jáne vaýcherlik qarjylandyrýǵa kóshý mektepke deıingi tárbıe men oqytýǵa memlekettik bilim berý tapsyrysynyń ashyqtyǵyn qamtamasyz ete alady degen pikirmen kelisti. Osyǵan baılanysty vaýcherlik qarjylandyrýdyń pılottyq jobasyn iske asyrý jalǵasyn tabady», - dedi vıtse-premer.