2025 jyldaǵy bıýdjet tapshylyǵy belgili boldy

<p>ASTANA. KAZINFORM &ndash; Parlament Májilisiniń qaraýyna &laquo;QR Ulttyq qorynan 2025 &ndash; 2027 jyldarǵa arnalǵan kepildendirilgen transfert týraly&raquo; jáne &laquo;2025 &ndash; 2027 jyldarǵa arnalǵan respýblıkalyq bıýdjet týraly&raquo; zań jobalary kelip tústi.</p>

«Atalǵan zań jobalary Qazaqstan Respýblıkasynyń Bıýdjet kodeksine sáıkes ázirlendi jáne Úkimettiń qaýlylarymen 2024 jylǵy 28 tamyzda Májilistiń qaraýyna engizildi. Ulttyq qordan 2025-2027 jyldarǵa arnalǵan respýblıkalyq bıýdjetke kepildendirilgen transferttiń jyldyq kólemi 2 trln teńgeni qurady. Kepildendirilgen transferttiń mólsheri munaı sektory uıymdarynan Ulttyq qorǵa túsetin túsimderdiń boljamdy kóleminen aspaıdy», - dedi Májilistiń Qarjy jáne bıýdjet komıtetiniń tóraǵasy Tatıana Saveleva palatanyń jalpy otyrysynda.

Onyń aıtýynsha, 2025-2027 jyldarǵa arnalǵan respýblıkalyq bıýdjet jobasy Qazaqstan Respýblıkasynyń áleýmettik-ekonomıkalyq damýynyń boljamy, 2025-2027 jyldarǵa arnalǵan bıýdjet parametrleri, sondaı-aq QR Prezıdentiniń tapsyrmalary negizinde ázirlendi. 2025 jyly respýblıkalyq bıýdjet kiristeriniń kólemi 21,7 trln teńge, onyń ishinde tabys -15,6 trln teńge, Ulttyq qordan túsken transfertter 5,3 trln bolady (kepildendirilgen transfert - 2 trln teńge jáne nysanaly transfert - 3,3 trln teńge).

«Shyǵystardyń jalpy somasy 25,8 trln teńge somasynda josparlanǵan. Bul rette, 2025 jyly bıýdjet tapshylyǵy 4,1 trln teńge deńgeıinde aıqyndaldy. Atap aıtqanda, Májilis komıteti atalǵan zań jobalaryn talqylaýǵa alýǵa jáne olar boıynsha qorytyndy ázirleýge daıyn», - dedi T. Saveleva.