2025 jyl – jumysshy mamandyqtar jyly: keshendi jospar ázirlenedi

<p>ASTANA. KAZINFORM &ndash; Bıyl 15 qarashaǵa deıin Úkimet Tehnıkalyq jáne kásiptik bilim berý júıesin transformatsııalaýdyń keshendi josparyn ázirleıdi. Bul týraly QR Premer-Mınıstrdiń orynbasary Tamara Dúısenova málim etti.&nbsp;</p>

«Memleket basshysynyń tapsyrmasymen kelesi jyl jumysshy mamandyqtar jyly bolyp jarııalandy. Atalǵan tapsyrmany oryndaý úshin Oqý aǵartý mınıstrligi bıyl 15 qarashaǵa deıin Úkimetke Tehnıkalyq jáne kásiptik bilim berý júıesin transformatsııalaýdyń keshendi josparyn ázirlep, engizedi. Birinshiden, osy jyldyń sońyna deıin óńirler suranysyna ıe kadrlardy daıyndaý maqsatynda kolledjderdi kásibılendirý protsesi aıaqtalady. Ekinshiden, bul salada da kolledjderdegi bilim sapasyn baǵalaýdy júrgizip, olardy lıgalarǵa jikteıtin bolamyz. Joǵary jáne ortasha lıgalarǵa engizilgen kolledjder 100 tehnologııalyq kóshbasshy tizimin quraıdy», - dedi Tamara Dúısenova Úkimet otyrysynda.

Onyń aıtýynsha, kóshbasshy kolledjder elimizde ashylǵan sheteldik joǵary oqý oryndarymen jumys isteıtin bolady.

«Úshinshiden, jan basyna shaqqandaǵy qarjylandyrý normatıvi ózgertiledi. Ol qoldanystaǵy bazalyq bólik pen jańa yntalandyrýshy tólemnen quralýy kerek. Yntalandyrýshy tólemder halyqaralyq salalyq standarttardy engizgen, túlekterdiń basym bóligi sertıfıkattalǵan jáne ortasha eseppen joǵary mólsherde eńbekaqy alatyn kolledjderge usynylady. Atalǵan ózgerister salalyq memlekettik organdarǵa túlekterdi jumysqa qabyldaý máselesin pysyqtaýmen qatar júrgiziledi», - deıdi ol.

Aıta ketsek, Prezıdent Qazaqstan halqyna joldaýynda 2025 jyldy Jumysshy mamandyqtary jyly dep jarııalaýdy usyndy.