2025-2030 jyldary suranysta bolatyn TOP-10 mamandyqtyń 7-eýi bilim salasyna tıesili

<p>ASTANA. KAZINFORM &ndash; Elimizdegi aldaǵy 5 jylda eń suranysy joǵary bolatyn mamandyqtar tiziminde muǵalimder men tárbıeshiler kósh bastap tur. Bul týraly Eńbek resýrstaryn damytý ortalyǵynyń Kazinform joldaǵan resmı saýalǵa jaýabynda jazylǵan.</p>

Ortalyqtyń sarapshylary keltirgen derekke saı, alǵashqy bestikte mektepke deıingi bilim berý mekemesiniń tárbıeshisi, gýmanıtarlyq jáne jaratylystaný baǵytyndaǵy pánderdiń muǵalimi, bastaýysh synyptardyń muǵalimi jáne orta mektepte ózge de pánderden sabaq beretin muǵalimder tur. 

Foto: Kazinform

Elimizde 2025-2030 jyldary suranys joǵary bolatyn mamandyqtardyń TOP-10 tizimi: 

23740 adam – Mektepke deıingi bilim berý tárbıeshisi;
22780 adam – Orta mekteptiń gýmanıtarlyq pánder muǵalimi;
20352 adam – Orta mekteptiń jaratylystaný baǵytyndaǵy pánder muǵalimi;
17447 adam – Bastaýysh synyp muǵalimi;
10655 adam – Orta mektepte ózge de pánderden sabaq beretin muǵalimder;
8641 adam – Baǵdarlamalardy testileýden ótkizý boıynsha mamandar men baǵdarlama jasaýshylar;
7442 adam – Orta mekteptiń matematıka ǵylymy boıynsha pánder muǵalimi;
6830 adam – Orta mekteptiń tehnıkalyq pánder muǵalimi;
6421 adam – Jarnama jáne ónimdi ilgeriletý boıynsha kásibı mamandar;
6116 adam– Tehnık-elektrıkter (jalpy profıl boıynsha).

Buǵan deıin elimizde 2025 jyly joǵary suranysta bolatyn jumysshy mamandyqtardyń TOP-10 tizimin jarııalaǵan edik.