2024 jyly Qazaqstan ishki naryqty óz almasymen tolyq qamtamasyz etedi

ASTANA. QazAqparat – Búgin Májiliste ótip jatqan Úkimet saǵatynda Aýyl sharýashylyǵy mınıstri Erbol Qarashókeev alma baqtarynyń aýmaǵyn kóbeıtýge qatysty túsinik berdi, dep habarlaıdy QazAqparat tilshisi.

«Mınıstrlik baý-baqsha sharýashylyǵyn damytýda úlken áleýetti kórip otyr. Buryn qoıylǵan mindetterdiń biri - alma boıynsha elimizdi tolyq qamtamasyz etý. Máselen, 2014 jyldan bastap ınvestıtsııalyq sýbsıdııalar engizile otyryp, ónerkásip deńgeıindegi alma baqtarynyń alańy 7,2 myń gektarǵa ósip, 28,9 myń gektarǵa deıin jetti», - dedi E. Qarashókeev.

Sonymen qatar ol uıymdasqan sharýashylyqtardaǵy jalpy ónim 92 myń tonnadan 205 myń tonnaǵa deıin 2,2 esege óskenin aıtty..

«Jalpy, atalǵan kezeńde barlyq alma baqtarynyń alańy 30,3 myń gektardan 35,7 myń gektarǵa deıin ósti, al jalpy ónim 157 myń tonnadan 267,9 myń tonnaǵa deıin ulǵaıdy. 2024 jylǵa qaraı almanyń jalpy ónimi 352,5 myń tonnaǵa deıin jetkiziledi. Bul turǵyda ishki naryqqa qajet kólem tolyq qamtamasyz etiledi», - dedi mınıstr.