2024 jyly «Ǵylym jáne tehnologııalyq saıasat týraly» jańa zań ázirlenbek

ASTANA. QazAqparat – 2024 jyly elimizde «Ǵylym jáne tehnologııalyq saıasat týraly» jańa zań ázirlenýi múmkin. Bul týraly ashyq talqyǵa shyǵarylǵan Ǵylymdy damytýdyń 2022-2026 jyldarǵa arnalǵan tujyrymdamasynda jazylǵan, dep habarlaıdy «QazAqparat» tilshisi.

«Memlekettik-jekemenshik seriktestik negizinde elimizde myqty ǵylymı-óndiristik, ınjınırıngtik ortalyqtar, ǵylymı-tehnologııalyq parkter qurylatyn bolady. Jer qoınaýyn paıdalanatyn iri kompanııalardyń elimizdiń ǵylymı-tehnıkalyq áleýetin damytýǵa qatysýy artady. 2024 jyly el ekonomıkasynyń óńdeýshi salalaryna ǵylymdy qajet etetin zertteýlerdi tartý maqsatynda jáne ǵylym men bıznes qoǵamdastyq arasyndaǵy tyǵyz dıalogqa yqpal etetin «Ǵylym jáne tehnologııalyq saıasat týraly» jańa zań ázirlenetin bolady», - delingen qujatta.

Tujyrymdamada kórsetilgendeı, 2026 jylǵa deıin ǵylymı jýrnaldardaǵy maqalalardyń jalpy sany boıynsha InCites elder reıtınginde Qazaqstandy 73-ten 65-orynǵa kóterý josparlanǵan. Sondaı-aq, aldǵy úsh jylda patentke ótinim berýshilerdiń belsendiligin 30%-ǵa arttyrý kózdelgen. Osy tujyrymdamany iske asyrý negizinde 2026 jylǵa deıin bıznes sektorynyń ǵylymǵa baǵyttaıtyn qarajatynyń úlesi 35%-ǵa jetedi dep kútilýde.

Qujatty ashyq talqylaý 16 qańtarǵa deıin jalǵasady.