2024 jyly Atyraýda Qurmanǵazy ortalyǵynyń qurylysy bastalady
«Óńirde 253 mádenıet mekemesi bar. Olarda 2 myńnan astam jumys isteıdi. Qazir 5 mádenıet úıiniń qurylysy júrip jatyr. Bul mádenıet úıleri negizinen aýyldyq jerlerde salynyp jatyr. Sońǵy 5 jyldy alsaq, 14 mádenı úıi aýyldyq eldi mekenderde salyndy. Sportqa keler bolsaq, balalardyń 27 paıyzy sportpen turaqty shuǵyldanady. 14 derbes sport mektebi bar. Qazirgi ýaqytta 7 sport nysanynyń qurylysy júrip jatyr. Jalpy sońǵy bes jylda aýyldy eldi mekenderde 15 sport nysany iske qosyldy», - dedi oblys basshysy Ortalyq kommýnkatsııalar qyzmetindegi baspasóz máslıhatynda.
Onyń atap ótýinshe, oblys ákimdigi aýyldyq eldi mekenderde mádenı oshaqtar men sport nysandaryn salýdy aldyna maqsat etip otyr.
«Osy salalardaǵy eki iri jobaǵa toqtalǵym keledi. Biri – Qurmanǵazy ortalyǵynyń qurylysy. Ortalyq qurylysy 2024 jyly bastalady. Onda kınokontsert zaly, mýzeı bolady. Ekinshisi – Daryndy balalarǵa arnalǵan sport mektep-ınternatynyń qurylysy», - dedi Serik Shápkenov.