2024 jyly álemde qyrǵyn soǵys bolady – feık
«Instagram-da qazaqstandyqtar basty keıipker retinde daýystyq kómekshi Aleksa túsirilgen vıdeorolıkti talqylap jatyr. Er adam odan 2024 jyly AQSh-ta ótetin prezıdenttik saılaý týraly suraıdy, oǵan jasandy ıntellekt eshqandaı saılaý bolmaıdy, óıtkeni álemde sýper derjavalar arasynda úlken soǵys bastalady dep jaýap beredi. Buǵan senýge bolmaıdy», - delingen saıt aqparatynda.
Nege ekeni bylaı túsindiriledi:
«Alexa daýystyq kómekshisi – AQSh-ta tanymal devaıs, onyń jumysy jasandy ıntellektige negizdelgen. Adamdar onyń kómegimen úıdegi «aqyldy» qurylǵylardy basqarady, jelide daýyspen izdeıdi jáne t.b.. Ádette, Aleksa suraqqa ınternettegi saıttardyń birinde nemese júıeniń derekqorynda tabylǵan sóz tirkesterimen jaýap beredi. Degenmen, daýystyq kómekshide naqty suraqtarǵa jeke jaýaptar jazýǵa bolatyn optsııa bar. Bul fýnktsııany qoldana otyryp, mysaly, úıde naqty zattardyń qaıda jatqany, belgili bir sharanyń qaı ýaqytta bastalatyny jáne t.b. týraly nusqaýlar qaldyrýǵa bolady. Sondaı-aq, osy optsııanyń kómegimen ártúrli taqyryptarda suraq-jaýap jazylady, mysaly Aleksany soǵys pen apattardy «boljaýǵa» úıretý. Máselen, 2021 jyly vıdeosy keńinen taraǵan qoldanýshy osylaı istegen. Ol Aleksany 2025 jyly Florıda shtatynda qatty daýyl turyp, ony jer betinen joıady dep jaýap berýge baǵdarlamalaǵan.
Jasandy ıntellektiniń mundaı jaýaptaryna senbegen jón. Bul – dúnıejúzilik qastandyqtyń nemese daýystyq kómekshilerdiń sakraldy biliminiń dáleli emes. Bul paıdalanýshylardyń ózderi oılap tapqan jáne aldyn ala jazylǵan jaýaptar».