2024 jylǵa qaraı densaýlyq salasyna JІÓ-niń 5 paıyzy bólinedi
«2025 jylǵa qaraı alǵashqy medıtsınalyq-sanıtarııalyq kómek pen qoǵamdyq densaýlyqqa jumsalatyn shyǵystardyń úlesi Prezıdent tapsyrmasyna sáıkes 60 paıyzǵa deıin jetkiziledi. Bul úshin mınıstrlik bıýdjet qarajatyn josparlaýdyń tıimdiligin nátıjege baılanysty arttyrý jumysyn qolǵa aldy. Aldymen, memlekettik bıýdjettiń densaýlyq saqtaýǵa jumsalatyn shyǵystary jalpy ishki ónimniń 1,9 paıyzynan 2,8 paıyzǵa deıin ósedi. Bul rette qosymsha qajettilik 1,2 trln teńgeni quraıtynyn atap ótý kerek», - dedi Eljan Birtanov Parlament Senatyndaǵy Úkimettik saǵatta.
Mınıstrdiń aıtýynsha, jeke shyǵystardyń úlesi qazirgi deńgeıde saqtalýy qajet. ıAǵnı jalpy ishki ónimniń 1,4 paıyzynan aspaýy tıis.
«Bıýdjettik emes qordyń úlesi (jumys berýshilerdiń aýdarymdary jáne basqalar) boljammen 2024 jylǵa qaraı jalpy ishki ónimniń 0,55 paıyzyna deıin jetkiziledi. Osylaısha, Qazaqstan 2024 jyly densaýlyq saqtaýǵa jumsalatyn shyǵystar jalpy ishki ónimniń 5 paıyzǵa deıin jetkiziledi», - dedi ol.
Eske sala ketsek, osy jyldyń maýsym aıynda Bul týraly Úkimet otyrysynda Premer-Mınıstrdiń birinshi orynbasary - Qarjy mınıstri Álıhan Smaıylov 2025 jylǵa qaraı bilim men densaýlyq saqtaý salalaryna JІÓ-niń 10 paıyzyn jumsaý kózdelip otyrǵanyn málim etken edi.