2024 jyldan bastap aýyldyq bıýdjetterge qosymsha salyqtar men tólemder beriledi
«Bıýdjet kodeksine sáıkes bıýdjet protsesinde oblystyq bıýdjettiń aýdandyq mańyzy bar qalalardyń, aýyldardyń, kentterdiń, aýyldyq okrýgterdiń bıýdjetterimen ózara qarym-qatynasyna jol berilmeıdi. Budan basqa, bıýdjetaralyq qatynastar memlekettik basqarýdyń deńgeıleri arasynda fýnktsııalar men ókilettikter ara jiginiń aıqyn ajyratylýyna, respýblıkalyq, oblystyq bıýdjetter, respýblıkalyq mańyzy bar qalalardyń, astananyń bıýdjetteri, aýdandyq (oblystyq mańyzy bar qalalar) bıýdjetter, aýdandyq mańyzy bar qalalardyń, aýyldardyń, kentterdiń, aýyldyq okrýgterdiń bıýdjetteri arasynda túsimder men shyǵystardyń birkelki bólinýine, sondaı-aq bıýdjetaralyq transfertterdi aıqyndaý ádisteriniń birligi men ashyqtyǵyna negizdelgen», - dedi Úkimet basshysy jaýabynda.
Premer-Mınıstrdiń túsindirýinshe, Ekologııa kodeksine sáıkes qorshaǵan ortaǵa jaǵymsyz áser etkeni úshin tólemaqy boıynsha túsimder josparyn ýákiletti organ bekitetin qorshaǵan ortany qorǵaý jónindegi is-sharalarǵa tolyǵymen jiberiledi. Osyǵan baılanysty bul tólem 4-shi deńgeıdegi bıýdjetke berilýge jatpaıdy. Sonymen qatar, bıýdjettiń 4-shi deńgeıiniń qarjylyq múmkindikterin kúsheıte otyryp, jergilikti ózin-ózi basqarýdy (budan ári – JÓB) nyǵaıtý jalǵasýda. Aýyldyq okrýg ákimi menshik ıeleriniń jer ýchaskelerin utymdy jáne maqsatty paıdalanýy úshin jaýaptylyqta bolatynyn eskere otyryp, 2022 jyldan bastap biryńǵaı jer salyǵy, jer ýchaskelerin paıdalanǵany úshin tólemaqy, jer ýchaskelerin satýdan túsetin túsimder jáne jer ýchaskelerin jaldaý quqyǵyn satqany úshin tólemaqy bıýdjettiń tórtinshi deńgeıine berildi.
«JÓB damytýdyń 2025 jylǵa deıingi tujyrymdamasyna sáıkes jergilikti mańyzy bar máselelerdi sheshý kezinde bıýdjettiń 4-deńgeıiniń joǵary turǵan deńgeıden qarjylyq táýeldiligin tómendetý kózdelgen. Tujyrymdamada 2024 jyldan bastap aýyldyq bıýdjetterge qosymsha salyqtar men tólemderdi (sý resýrstaryn paıdalanǵany úshin tólemaqy; jekelegen qyzmet túrlerimen aınalysý quqyǵy úshin lıtsenzııalyq alym; jekelegen qyzmet túrlerimen aınalysýǵa ótkizý arnalǵan lıtsenzııalardy paıdalanǵany úshin tólemaqy (alkogol ónimin saqtaý jáne boıynsha) berý kózdelgen. Osylaısha, qoldanystaǵy kiris kózderi túsimderdiń qosymsha túrlerin bıýdjettiń 4-shi deńgeıine berý arqyly ulǵaıady. Sonymen qatar, aýyldyq okrýgtiń ýchaskelik polıtseıleri salatyn aıyppuldy aýyldyq okrýgtiń bıýdjetine berý jergilikti bıýdjettiń 4-shi deńgeıi kiris bóliginiń nyǵaıýyna qaraı odan ári qaralatyn bolady», - dedi Álıhan Smaıylov.