2024 jyly mereıtoılary atap ótiletin uly tulǵalar

<p>ASTANA. KAZINFORM &ndash; 2024 jyly Qazaqstanda kóptegen tarıhı tulǵalardyń mereıtoılary atap ótiledi. Olardyń qatarynda belgili jazýshylar, aqyndar men aǵartýshylar bar. Bul týraly QR Mádenıet jáne aqparat mınıstrliginiń baspasóz qyzmeti jazdy.</p>

Osy jyldyń aıtýly kúnderiniń biri – balalar jazýshysy, aqyn, stsenarıst Berdibek Soqpaqbaevtyń 100 jyldyǵy bolmaq.

Sondaı-aq qazaq ádebıetiniń damýyna zor úles qosqan belgili jazýshy, aýdarmashy Ábdijámil Nurpeıisovtiń týǵanyna 100 jyl tolady. Óz zamanynda ol «Qazaq KSR Halyq jazýshysy» nagradasyna ıe boldy.

Teatr jáne kıno rejısseri, Qazaq KSR Halyq ártisi Sháken Aımanovtyń týǵanyna bıyl 110 jyl, qazaq beıneleý óneriniń negizin qalaýshy Ábilhan Qasteevtiń týaǵanyna 120 jyl tolar edi.

Sondaı-aq aıtýly datalar tiziminde – zamanaýı qazaq ádebıetiniń negizin salýshy, aqyn, jazýshy, dramatýrg Іlııas Jansúgirov pen aqyn, jazýshy Sáken Seıfýllınniń 130 jyldyǵy atap ótiledi.

Jazýshy, aqyn, dramatýrg Beıimbet Maılınniń týǵanyna 130 jyl, jazýshy, aqyn, dramatýrg Júsipbek Aımaýytovqa 135 jyl, aqyn, jyraý, ánshi, kompozıtor Kenen Ázirbaevtyń týǵanyna 140 jyl tolar edi.