2024 jyly kúresten Qazaqstan birinshiligi qaı qalada ótedi
16:52, 30 Qarasha 2023
<p>QR Ulttyq olımpıadalyq komıteti keler jyly kúresten Qazaqstan chempıonatynyń elimizdiń qaı qalasynda ótetinin jarııalady, dep habarlaıdy <a href="Kazinform" target="_blank" rel="noopener">Kazinform.</a></p>
Atalǵan komıtettiń taratqan málimetine súıensek, lıtsenzııalyq týrnırler qarsańyndaǵy el birinshiligi Astana qalasynda 5-11 aqpan aralyǵynda uıymdastyrylady.
Qazaqstan chempıonatynda top jarǵan olımpıadalyq salmaqtaǵy sportshylar tórtjyldyqtyń basty dodasy Parıj Olımpıadasynyń joldamasyna talasady. Іrikteý týrnırleri 19-21 sáýir aralyǵynda Bishkekte, 9-12 mamyr aralyǵynda Ystambulda ótedi.
Aıta keteıik, kúres túrlerinen Qazaqstan komandasynda ázirge eki joldama bar. Erkin kúres sheberi Azamat Dáýletbekov (86 keli) pen grek-rım kúresiniń ókili Nursultan Tursynov (87 keli) Belgradtaǵy álem chempıonatynda lıtsenzııa ıelengen bolatyn.