2024 jyly kóktemde petıtsııa jarııalanatyn jańa platforma iske qosylady

<p>Mádenıet jáne aqparat vıtse-mınıstri Danııar Qadyrov 2024 jyly sáýir aıynda petıtsııa jarııalanatyn jańa platforma iske qosylatynyn aıtty, dep habarlaıdy <a href="Kazinform" target="_blank" rel="noopener">Kazinform</a>.&nbsp;</p>

Aıta keteıik, otbasyndaǵy jáne turmystaǵy zorlyq-zombylyqtan qorǵaý týraly petıtsııaǵa 150 myńǵa jýyq qazaqstandyq qol qoıdy. Búgin Senattyń jalpy otyrysynan keıin tilshiler vıtse-mınıstrden otbasyndaǵy zorlyq-zombylyqqa qarsy petıtsııada jınalǵan daýystardy jańa platformaǵa avtomatty túrde aýystyrý múmkindigi týraly surady.

«Jańa platformaǵa avtomatty túrde aýystyrýǵa múmkindik bolmaıdy, ıaǵnı qaıtadan qol jınaý kerek. Onlaın tártipte jańa platformada daýys tez jınalady. Bul platforma sáýir aıynda iske qosylady. Bul turǵyda ár azamatta petıtsııany jarııalaýǵa zańdy quqyǵy bolady. Sebebi zań qazan aıynda qabyldandy, onyń kúshine enýi 6 aıdan keıin bolady. Sondyqtan keler jyldyń sáýir aıynda onlaın-petıtsııa jumysyn bastaıdy. Bul turǵyda petıtsııa jarııalaýǵa barlyq zańdy negiz bolady», - dedi D. Qadyrov.

Sonymen qatar ol ár adam óziniń janaıqaıyn qazirdiń ózinde eOtinish arqyly jarııalaı alatynyn eske saldy. Kez kelgen ótinishti memleket qarastyrady.

«Elimizde adamdar óziniń janaıqaıyn qazir eOtinish-te jarııalaı alady. Azamattardyń ótinishi mindetti túrde qarastyrylady. Atap aıtqanda, memleket úshin ár adamnyń daýysy mańyzdy. Qoǵamdaǵy rezonanstyq máselelerge mindetti túrde nazar aýdarylady», - dedi vıtse-mınıstr.

Budan buryn habarlanǵandaı, jaqynda Ádilet mınıstri Azamat Esqaraev petıtsııa jarııalanatyn jańa platformaǵa qatysty túsinik berdi.