2024 jyly qoǵamdyq qaýipsizdik týraly jańa tujyrymdama iske qosylady

<p>Elimizde aldaǵy 5 jylǵa arnalǵan qoǵamdyq qaýipsizdikti qamtý týraly jańa tujyrymdama iske qosylady. Bul týraly Іshki ister vıtse-mınıstri Igor Lepeha málim etti, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

«Memleket basshysynyń tapsyrmasy boıynsha qoǵamdyq qaýipsizdikti qamtamasyz etý tujyrymdamasy ázirlendi. Ol qazir kelisim ústinde. Atalǵan qujat Memleket basshysynyń tıisti Jarlyǵymen 5 jylǵa (2024-2028 jyldar) bekitiledi. Tujyrymdamanyń barlyq memlekettik organdardyń, úkimettik jáne úkimettik emes uıymdardyń keń aýqymdy máseleleriniń qamtylýymen mártebesi joǵary», - dedi Igor Lepeha Májilistiń zańnama jáne sot-quqyqtyq reforma komıteti uıymdastyrǵan jıynda.

Vıtse-mınıstrdiń aıtýynsha, tujyrymdamany ázirleýde azamattyq qoǵam pikiri tyńdaldy.

«Arnaıy áleýmettik saýalnama uıymdastyrylyp, oǵan 10 myńnan astam azamat qatysty. Barlyq usynysty eskere otyryp, tujyrymdamany iske asyrý jónindegi is-qımyl jospary ázirlendi. Aıta ketetin jaıt, tujyrymdamanyń birinshi bólimi «Áıelder men balalarǵa qatysty zorlyq-zombylyqtyń aldyn alý jáne jábirlenýshilerdi keshendi qorǵaý jáne olarǵa kómek kórsetý júıesin qurý» taqyrybyna arnalǵan», - deıdi mınıstrdiń orynbasary.