2024 jyly «Keleshek» baǵdarlamasy iske qosylady

<p>Elimizde keler jyly &laquo;Keleshek&raquo; baǵdarlamasy jumys isteı bastaıdy. Bul týraly Ǵylym jáne joǵary bilim mınıstri Saıasat Nurbek málim etti, dep habarlaıdy <a href="Kazinform" target="_blank" rel="noopener">Kazinform</a>.</p>

«Búginde «Keleshek» baǵdarlamasyna zańnamalyq ózgerister engizilip jatyr. Bilim týraly, jınaqtaýshy júıe jáne basqa da zańdarǵa ózgerister engizý qajet. Bankter áli anyqtalǵan joq, olar baǵdarlamanyń seriktesi bolady. Joǵary qarjylyq turaqtylyqqa ıe bankter bolatyny túsinikti. Sonymen qatar Qarjy naryǵyn retteý jáne damytý agenttigi men Ulttyq banktiń óz talaptary bolady», — dedi Saıasat Nurbek Úkimet úıinde ótken baspasóz máslıhatynda.

Mınıstr 6-7 bank atalǵan baǵdarlama seriktesi bolady dep boljap otyr. 

Sondaı-aq, S. Nurbek Memleket basshysy Qasym-Jomart Toqaev keler jyly 1 qyrkúıekte balalarǵa arnalǵan arnaıy jınaqtaý júıesin engizýdi tapsyrǵanyn aıtty.