2024 jyly Qazaqstannyń arbıtrajdyq protsesterine 10 mlrd teńge bólindi

<p>ASTANA. KAZINFORM &ndash; Ádilet mınıstri Azamat Esqaraev Statı isine qatysty pikir bildirdi. Sonymen qatar ol mınıstrlik júrgizip jatqan protsesterge bıyl qansha qarajat bólingenin aıtty.</p>

Búgin Parlament Májilisindegi baspasóz máslıhatynda tilshiler mınıstrden Statı isine qatysty surady.

«Bul is boıynsha protsess toqtaǵan emes. Negizinen sheteldik konsýltanttar qaldy. Qazir olardy basqasyna aýystyrýdyń reti joq. Bul baǵytta tıisti ilgerileý bar», - dedi A.Esqaraev.

Sonymen qatar vedomstvo basshysy bıyl Statı isine qatysty qansha qarajat jumsalatynyn aıta almady.

«Bul is týraly naqty aıta almaımyn. Biraq jalpy alǵanda, Ádilet mınıstrligi júrgizetin barlyq protsess pen arbıtrajdyq protsedýralar úshin bizdiń bıylǵy bıýdjetimizde shamamen 10 mıllıard teńge qarastyrylǵan», - dedi A.Esqapaev.

Tilshiler mınıstrge atalǵan is boıynsha Qazaqstan múddesin qorǵaıtyn advokattardyń gonorary qanshalyqty óskenin surady.

«Statı isine toqtalsaq, qarajat ósken joq. Biraq belgili bir únemdeý bar. Biz qazir josparymyzdy qaıta qurdyq jáne byltyrdyń qorytyndysy boıynsha belgili bir únemdeýge qol jetkizdik. Jalpy, 2023 jyly 26 arbıtrajdyq protsess boldy», – dedi Azamat Esqaraev.

Eske salsaq, byltyr kúzde Ádilet mınıstrligi Statı isine qatysty tásilin ózgertkeni habarlandy.