2024 jyly Qazaqstan naryǵyna jańa sheteldik ınternet baılanys operatorlary kiredi

<p>Tsıfrlyq damý, ınnovatsııalar jáne aeroǵarysh ónerkásibi mınıstrligi Telekommýnıkatsııalar komıteti Symsyz baılanys jobalardy damytý jáne monıtorıngileý basqarmasynyń basshysy Oljas Kabenov aýyl mektepterin Starlink ınternet jelisine qosý protsesi týraly túsindirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Qazir atalǵan júıege aýyldardy emes, testilik rejımde mektepterdi qostyq. Osy oraıda 10 aýyl mektebi SpaceX kompanııasynyń Starlink tehnologııasy arqyly testilik rejımde keń jolaqty ınternetke qosyldy. Mundaı qadamdar elimizde ınternet júıesi naryǵyn damytýǵa yqpal etedi», - dedi O. Kabenov elordada ótken baspasóz máslıhatynda.

Bul turǵyda ol Starlink-ten basqa OneWeb jáne SES sııaqty operatorlar bar ekenin eske saldy.

«OneWeb jáne SES kompanııalary aldaǵy jyldan bastap elimizdiń aýmaǵynda qyzmet etýdi josparlap otyr», - dedi komıtet ókili.

Budan buryn habarlanǵandaı, 2000 aýyl mektebin Starlink joǵary jyldamdyqty ınternetke qosý máselesi pysyqtalyp jatyr.