Ótken jyly Qarýly kúshterde 50-den asa modýldik ǵımarat paıdalanýǵa berildi

<p>ASTANA. KAZINFORM &ndash; Qazaqstan áskerinde modýldik ǵımarattardy paıdalanýǵa berý baǵdarlamasy jalǵasyp jatyr. Bul týraly Qorǵanys mınıstrligi habarlady.</p>

2024 jyldyń ózinde 56 modýldik ǵımarat paıdalanýǵa berildi, onyń ishinde 25 kazarma, 4 ashana jáne 13 ákimshilik úı-jaı bar. 

Foto: Qorǵanys mınıstrligi

Budan basqa, bir jyl ishinde ótken Birlestik-2024», «Sheksiz baýyrlastyq», «Myzǵymas baýyrlastyq» aýqymdy oqý-jattyǵýlaryna, «Aıbyn» áskerı-patrıottyq jastar jıynyna daıyndyq kezinde oqý-jattyǵý ortalyqtary men polıgondardyń ınfraqurylymyn jetildirý jumysy júrgizildi.

Áskerı bólimder men mekemelerdegi 800-den astam nysan derbes jóndeýden ótti.

Foto: Qorǵanys mınıstrligi

Elimizdiń bes óńirinde áskerı qyzmetshilerge arnalǵan jańa úıler salynyp jatyr

Qazaqstannyń bes óńirinde áskerı qalashyqtardyń qurylysy jalǵasyp jatyr. Semeı, Aqtóbe, Shymkent, Qonaev jáne Atyraýda Qarýly kúshterdiń ofıtserleri men kelisimshart boıynsha áskerı qyzmetshilerge arnalǵan kóp páterli modýldi turǵyn úıler salynyp jatyr.

Sonymen qatar, 7 áskerı qalashyqta 58 myń sharshy metrden asa alańǵa beton asfalt tóselgen. Turǵyn úı-turmystyq jaǵdaıdy jaqsartý maqsatynda jańa jóndeýden ótken turǵyn úıge erekshe kútimdi qajet etetin balalar ósirip otyrǵan otbasylar qonystanǵan.

Buǵan qosa 2024 jyly áskerı qyzmetshiler Qazaqstannyń ár óńirinen 328 páterdi jekeshelendirdi.

Qonaev qalasynda «Baldáýren» balalardy saýyqtyrý ortalyǵynyń qasbetteri jóndelip, fýtbol jáne voleıbol alańdaryna qorshaý ornatyldy, jazǵy ashanany jóndeý jumystary júrgizilip jatyr. 

Foto: Qorǵanys mınıstrligi

Qarýly kúshter ózderi shyǵarǵan jıhazdarmen jáne qorshaýlarmen 100% qamtamasyz etip jatyr

Qarýly kúshterdiń aýdandyq paıdalaný bólimderinde óz ónimderin kóbeıtý jalǵasýda. 2024 jyly angarlar óndirisi 25%-ǵa artty (24 dana salyndy), 38 shaqyrymdyq 3D-qorshaýlar, 1,5 shaqyrymnan asa «Egoza» tıpti symdar, 670 sharshy metr PVH-buıymdar jáne 8 540 birlik jıhaz, onyń ishinde 400 ashana ústeli, 2400 tósek týmbalary, 1100 oqýshy partasy, 3800 oryndyq, 40 kıim shkaftary jasaldy.

Ótken jyldyń ózinde jıhaz óndirisiniń arqasynda Qurlyq áskerleri jáne Desanttyq-shabýyldaý áskerleriniń kazarmalyq qory 30%-ǵa jańartyldy. Astana áskerı kolledjinde jáne Qaraǵandy men Almaty qalalaryndaǵy «Jas ulan» respýblıkalyq mektepterinde kazarmalyq jıhaz tolyǵymen jańartyldy.

2025 jylǵa qosymsha stanoktar, aralar, jıhaz jasaýǵa arnalǵan jabdyqtar men pishindelgen qańyltyrlar satyp alý josparlanǵan, bunyń bári Qarýly kúshterge qajetti taýarlardyń óndirisin keńeıtýge múmkindik beredi.

Qarýly kúshterde úzdik serjant anyqtalǵan bolatyn.