2024 jyly qandalany dezınfektsııalaıtyn fırmalarǵa lıtsenzııa beriledi

<p>Elimizde qandalany joıý boıynsha dezınfektsııa júrgizetin fırmalarǵa lıtsenzııa berý qaıta qolǵa alynbaq. Bul týraly QR Densaýlyq saqtaý vıtse-mınıstri Aıjan Esmaǵambetova málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Qazir osy sala qyzmetine lıtsenzııa engizý jumystary júrip jatyr. 2007 jylǵa deıin bul qyzmet lıtsenzııalanǵan, al 2007 jyldan bastap lıtsenzııa berý toqtatyldy. Qandalanyń taraý jaǵdaıy jyl saıyn tirkelip keledi. Osy oraıda biz Qazaqstan Respýblıkasynyń bıologııalyq qaýipsizdik týraly» zańy aıasynda normalar engizdik. Atalǵan norma 2024 jyldyń 1 shildesinen bastap kúshine enedi», - dedi Aıjan Esamaǵambetova Ortalyq kommýnıkatsııalar qyzmeti alańynda ótken baspasóz máslıhatynda.

Vıtse-mınıstrdiń málimdeýinshe, ákimshilik quqyq buzýshylyq týraly kodekske sáıkes lıtsentsııasyz jumys isteıtin fırmalarǵa jaýapkershilik qarastyrylǵan.

«Eger ol jeke tulǵa bolsa, onda 15 AEK (aılyq eseptik kórsetkish) shaǵyn kásipkerlik sýbektileri – 45 AEK, orta kásipkerlik sýbektileri – 80 AEK jáne iri kásipkerlik sýbektileri – 150 AEK», - dep tolyqtyrdy spıker.