2024 jyly Ispanııada jumyssyzdyq deńgeıi tómendedi

<p>ASTANA.KAZINFORM&nbsp;&mdash; Ispanııada tirkelgen jumyssyzdar sany 2024 jyldyń sońynda ótken jyldyń basymen salystyrǵanda 5,42 paıyzǵa azaıdy. Buǵan eldiń Eńbek jáne áleýmettik ekonomıka mınıstrliginiń juma kúni jarııalaǵan málimeti dálel, dep jazady <a href="https://russian.news.cn/20250104/f92020b6025f49f0aca90b1d6bd60cd0/c.html" target="_blank" rel="noopener">Sınhýa</a>.</p>

Buǵan deıin mınıstrlik jeltoqsan aıynda eldegi jumyssyzdar sany 25 300 adamǵa azaıǵanyn, jalpy jumyssyzdar sany 2 560 718 adamdy quraǵanyn habarlaǵan.

Sonymen qatar, 2024 jyldyń sońǵy aıynda Ispanııanyń áleýmettik qamsyzdandyrý júıesinde tirkelgen adamdar sany 42,700-ge ósti, al tirkelgen jumys isteıtin azamattardyń sany 21 mıllıonnan astamǵa jetken.

— 2025 jyldy jaqsy jańalyqtarmen bastaımyz. Biz jumyssyzdyq deńgeıin taǵy da tómendettik. Endi jańa Ispanııaǵa qaraı alǵa jyljýdy jalǵastyramyz, — dedi Eńbek mınıstri Iolanda Dıas.

Oń jańalyq Ekonomıkalyq ister mınıstri Karlos Kýerpo jergilikti BAQ-qa eldiń JІÓ 2025 jyly 2,5 paıyzǵa ósetinin aıtqannan eki kún ótken soń keldi.

— Ispanııa 2025 jáne 2026 jyldary Eýropadaǵy ekonomıkalyq ósýdiń qozǵaltqyshy bolyp qala beredi, — dedi Kýerpo.

Eske sala keteıik, buǵan deıin quqyq qorǵaýshylar 2024 jyly Ispanııaǵa barar jolda myńdaǵan adam qaza bolǵanyn habarlaǵanyn jazǵan bolatynbyz.