2024 jyly Ilon Masktyń jeke ushaqtary qansha reıs jasady

<p>ASTANA.KAZINFORM &mdash; <a href="https://www.businessinsider.com/elon-musk-private-jet-flights-2024-donald-trump-2024-12?utm_source=in_materials" target="_blank" rel="noopener">Business Insider</a> JetSpy kómegimen Ilon Masktyń jeke reaktıvti reısterine taldaý jasady. Jańalyqtar portalynyń málimetinshe, amerıkalyq mıllıarderdiń eki Gulfstream ushaǵy aǵymdaǵy jyldyń qańtar aıynan jeltoqsan aıynyń ortasyna deıin barlyǵy 355 reıs jasaǵan.</p>

Álemdegi eń baı adamnyń jeke ushaqtary aspanda shamamen 881 saǵat ushqan. 

Business Insider 2024 jyly Masktyń ushaqtary Palm-Bıch áýejaıyna nemese odan 31 reıs jasaǵanyn habarlaıdy. Donald Trampqa tıesili Mar-a-Lago jeke rezıdentsııasynyń osy áýejaıdyń janynda ornalasqany da atalyp ótti.

Bul aımaqqa 31 reıstiń 25-i Tramp saılaýda jeńiske jetkennen keıin oryndaldy. Mask Trampty resmı túrde qoldaı bastaǵannan keıin ushaqtar Pensılvanııa jáne Djordjııa sııaqty shtattarǵa 13 reıs jasady.

Alaıda Ilon Masktyń ózi árbir reıste bolǵany jáne onyń Palm-Bıch aımaǵyna Tramppen kezdesýden basqa sebeptermen barǵan, barmaǵany belgisiz.

Sondaı-aq 2024 jyly onyń ushaqtarynyń negizgi baǵyttaryna SpaceX nysandarynyń janynda ornalasqan Hotorn (Kalıfornııa) jáne Braýnsvılldegi (Tehas) áýejaılar kirdi. Olar sondaı-aq Teslanyń shtab-páteri men Masktyń úıleriniń birine jaqyn Ostın áýejaıyna jıi ushatyn.

Ushaqtar sonymen qatar Frantsııa, Polsha, Germanııa, Portýgalııa, Indonezııa, Qytaı jáne Ulybrıtanııaǵa ushty. Mask Parıj Olımpıadasyna jáne Notr-Dam soborynyń ashylýyna, sondaı-aq Balıge Starlink ushyrýyna bardy.

JetSpy málimetinshe, mıllıarderdiń eki ushaǵy shamamen 2,5 mıllıon dollarǵa janarmaı tutynyp, 2024 jyly 4000 tonna kómirqyshqyl gazyn shyǵarǵan.

2022 jyldan bastap Mask jeke ushaqtardyń qozǵalysyn jasyrýǵa múmkindik beretin federaldy baǵdarlamany paıdalanady.

Eske sala keteıik, buǵan deıin Donald Tramp pen Ilon Mask áleýmettik jelini qalaı paıdalanatynyn jazǵan edik.