2024 jyly Germanııada farmatsevt, tárbıeshi jáne aýrýdy kútýshi mamandar qajet bolady

<p>2024 jyly Germanııada bilikti mamandar úshin elge kirý talaptary jeńildetilip, bosqyndarǵa, kerisinshe kúsheıtiledi. <a href="KazInform" target="_blank" rel="noopener">KazInform </a>agenttigi bul týraly <a href="https://www.dw.com/ru/migranty-i-bezency-v-germanii-cto-dla-nih-izmenitsa-v-2024-godu/a-67704567?maca=rus-Red-Telegram-dwglavnoe" target="_blank" rel="noopener">DW </a>aqparat agenttigine silteme jasap habarlaıdy.&nbsp;</p>

Bir jylǵa arnalǵan «Múmkindikter kartasy» engiziledi

Kelesi jyly jumysqa ornalasý úshin elde bir jyl turýǵa yqtııarhatqa kepildik beretin baldyq júıege negizdelgen «múmkindikter kartasy» tolyq kúshine enedi. Ony alý úshin ótinish berýshi aǵylshyn jáne nemis tilin bilýi, jumys tájirıbesi, sondaı-aq Germanııada jeke baılanystary bolýy kerek. Áleýetti emıgranttyń jasyna da basymdyq beriledi.

Jumys vızasyn alý úshin eń tómengi jalaqy deńgeıi tómendeıdi

Germanııaǵa keletin sheteldik mamandar qolynda endi eń tómengi jyldyq jalaqysy 43 800 eýrony quraıtyn kelisimshart bolýy kerek. Buryn bul deńgeı salyq ustap qalýǵa deıin 58 400 eýro bolǵan.

Blue Card alý úshin mamandyq túrleri kóbeıdi

Jańa jyldan bastap Blue Card, ıaǵnı “kógildir kartany” Germanııada asa muqtaj matematıkter, IT mamandary, ınjenerler, bıologtar men medıtsına qyzmetkerleri ǵana emes, basqa mamandyq ıeleri de ala alady. Olardyń qatarynda farmatsevter, tárbıeshiler jáne naýqastar men qarttardy kútýshiler de bar.

Eskertýsiz deportatsııa

Germanııadan pana izdegender úshin talap kúsheıtilýi ábden múmkin. Eldiń ІІM josparyna sáıkes, bolashaqta bosqyn mártebesi berilmegen azamattarǵa elden shyǵarý týraly aldyn ala habarlanbaıdy, al deportatsııa úshin ruqsat etilgen qamaý merzimi 10-nan 28 kúnge deıin uzartylady.

Áleýmettik tólemder qysqarady

Qazirgi ýaqytta pana izdeýshiler Germanııada 18 aıdan astam ýaqyt tursa, áleýmettik járdemaqy (Bürgergeld) ala bastaıdy. Elde budan az ýaqyt turǵan bosqyndar áldeqaıda az tólem alady. Endi bul merzim 36 aıǵa deıin ulǵaıtyldy.

Qolma-qol aqshanyń ornyna karta beriledi

2024 jyly elden pana izdegender áleýmettik tólemderdi qolma-qol aqshamen almaıdy – onyń ornyna aqsha dúkenderde tóleýge bolatyn arnaıy debettik kartaǵa aýdarylady. Federaldy úkimet pana izdeýshilerdiń ózderiniń shyqqan elderine aqsha jiberý múmkindigin osylaısha shektegisi keledi.