2024 jyly aýlanatyn kıik sany belgili boldy

<p>&laquo;Ashyq NQA&raquo; portalynda Orman sharýashylyǵy jáne janýarlar dúnıesi komıtetiniń 2024 jyly aýlanatyn ańdardyń lımıti týraly buıryq jobasy qoǵam talqylaýyna shyǵaryldy, dep habarlaıdy <a href="Kazinform." target="_blank" rel="noopener">Kazinform.</a></p>

Buıryqpen birge berilgen qosymshada keler jyly aýlanatyn kıikter týraly aqparat eki kestede kórinis tapqan.

Birinshi kesteniń ataýy – 2024 jylǵy 15 aqpannan bastap 2025 jylǵy 15 aqpandy qosa alǵandaǵy kezeńge ań aýlaý obektileri sanalatyn janýarlar túrlerin alyp qoıý lımıti. Degenmen, kestege berilgen eskertýde tizimdegi kıiktiń bári tek ǵylymı maqsatta ǵana aýlanatyny aıtylǵan.

Bul kestede bir jyldyń ishinde uzyn sany 5 350 kıik aýlanatyny aıtylǵan. Onyń ishinde Aqmola oblysynda - 280, Aqtóbe oblysynda - 90, Batys Qazaqstanda - 1 100, Qaraǵandy oblysynda - 1 280, Qostanaı oblysynda - 1 230, Ulytaý oblysynda - 1 530 aýlanbaq. 

«Ǵylymı maqsattarda alyp qoıý kvotalary» deıtin ekinshi kestede taǵy 800 kıik aýlanatyny aıtylǵan. Ań aýlaý obektisi retinde atylatyn ańdardyń ishinde 176 qońyr aıý men 157 sileýsin de bar.